Esmarline Lodge

Was okay, maar daar is issues wat my twee keer laat dink om weer te bespreek.

Positief: Abe was bekwaam en het sy bes vir ons gedoen sonder dat hy voorsien is van alles wat hy sou nodig hê. Kamers is ruim en netjies. Aircon heerlik in die hitte. Swembad area baie mooi. Sterk WiFi. Negatief: Stortkop in Kamr 1 was so vuil en verstop. Daar was nie gewone tee in ons kamers nie, geen glase vir water nie. Abe het iewers tee in die hande gekry, ek dink dit was uit sy huis. As mens 800 pp betaal wat deel, dan moet ontbyt ingesluit wees, al is dit net continental. Dit is standaard vir diè prys by meeste plekke. Daar is te veel lawaai laat in die nag wanneer ander gaste laat kuier.

Nie weer vir my nie, dankie.

Dit lyk vir my na 'n naweek-afpakplek vir regeringsamptenare wat metgeselle saambring vir die naweek. Ek sal die plek nie aanbeveel nie. Ek is bereid om meer te betaal vir 'n beter lodge.

Pleasant and quiet.

Maybe find a solution to keep guests satisfied during loadshedding.

Fantasties.

Baie skoon. Netjies. Vriendelike en flinke diens. Het dit baie geniet. Heerlike plek, sal enige tyd weer daar gaan bly.

Goeie oorslaapplek vir 'n troue.

Dankie vir skoon beddens.

Netjiese plek, maar nie die geld werd nie.

Daar is geen fout met die kamers en perseel nie. Die kamers is netjies en pragtig skoon. Die personeel het ons vriendelik ontvang. Dit wat mens kry is net beslis nie R1600 per kamer werd nie. Die kamers is kleiner as wat dit op die foto's lyk. Die prys sluit geen ontbyt in nie. Indien die bedrag wat mens betaal helfte van die prys is, is dit 10/10 verblyf. . Nog 'n ding: Die kamers is in 'n huis wat met ander gaste gedeel word. Indien mens onbedagsame gaste het wat deure toeslaan en wie se kinders vroeg in die oggend in die gange af hardloop, is dit baie ongerieflik. Ons besef wel dit is buite die Lodge se beheer en nie hulle skuld nie.

Baie lekker plek, ideaal vir troues in die omgewing.

Baie lekker plek behalwe vir die geraas van ander gaste na 12 in die aand.

Heerlike nagrus.

Baie lekker gebly. Alles skoon en netjies. Sal weer oorbly as ons in die omgewing is.

AB was baie vriendelik, beddens was netjies, maar onrustige nagrus.

Groep mense het gekuier tot 22:00. Sou aanvaarbaar gewees het as ons vooraf in kennis gestel was daarvan. (Ons het gegaan met die doel om rustigheid te ervaar). 6:30 am die volgende oggend was die rus versteur met harde stemme. Die mikrogolf is in 'n haglike toestand.

Heerlike ontbyt, vriendelikheid vanaf bespreking.

Sal enige tyd weer daar oorslaap.

Het slegs daar geslaap. Alles beskikbaar wat nodig was.

Die pad soontoe is baie sleg met slaggate.

Definitief waarde vir jou geld.

Skoon en netjies en baie vriendelike en hulpvaardige personeel.

Fantastiese diens. Heerlike naweek.

Ons het as familie oorgebly aangesien ons 'n troue bygewoon het in die area. Baie netjies en skoon, baie goed toegerus en die diens is uitsonderlik. Abe, die bestuurder, is 'n juweel. Hy gaan uit sy pad uit om alles maklik en gemaklik te maak. Baie dankie vir 'n wonderlike naweek.

Oornag vir werk.

Ek was die enigste mens in die lodge vir die aand wat ek oorgeslaap het. Hulle was steeds bereid om vir my aandete voor te berei. Ek het nie een oomblik onveilig gevoel nie en sal beslis weer daar oornag.

Lekker rustige kuier-atmosfeer.

Heerlike groot grasperk en swembad.

Pragtige plek.

Bitter mooi omgewing.

'n Aangename plaaskuier!

Esmarline Lodge is die ideale plek vir 'n vinnige wegbreek uit die stad. Die plaasatmosfeer is heerlik!

Baie aangename ondervinding. Personeel baie vriendelik en behulpsaam.

Die eenheid bietjie klein en kan dalk badkamer-gedeelte meer privaat maak. Effens duur vir wat jy kry.

Rustige, gemaklike en netjiese plekkie.

Dankie vir Linda en die span se gasvryheid! Die buitebraai was effe klein, maar daar was voorsiening gemaak vir ander braaigeriewe. Anders baie lekker!

Baie lekker lodge met vriendelike personeel.

Rustige Lodge, met swembad. Kan wel so bietjie aandag gee aan die skoonmaak van die badkamers, spinnerakke en spinnekoppe was in die stort.

Awesome.

Fantasmagoriese naweek gewees, uitstekende diens. Baie dankie aan Esmarline Lodge se personeel.

Was oukei.

Sou van 'n klein yskas in die kamer gehou het om die water koud te hou, half-ply-toiletpapier werk ook nie.

Gerieflik en aangenaam.

Daar was luidrugtige bure wat in die middel van die nag geraas het. Buiten hiervan was die verblyf aangenaam.

Hoenderhaan 2 uur in die oggend is geen plesier nie.

Die fasiliteit is nie 'n lodge nie, die akkommodasie is plaasgeboue wat omskep is in verblyf. Geen uitsig omrede dit 'n toegeboude stoep was, ligging bied geen van die aktiwiteite soos geadverteer nie, moet by aangrensende oorde aandoen vir enige aktiwiteite. Die verblyf of die plaaswerf trek nie aandag nie en was meer 'n steurnis as enigiets anders. Alhoewel die akkommodasie binnenshuis skoon en netjies was, is die uitleg en ligging beslis nie die geld die moeite werd nie. Geen volledige DStv-kanale soos bv. sport. Indien jy kroegfasiliteite wil gebruik moet jy die "Manager" per WhatsApp kontak, dis nie 'n oop en lopende kroeg nie.

Gerieflike selfsorgverblyf.

Baie mooi en netjiese selfsorgverblyf. Ek kan dalk net aanbeveel dat die stortkoppe nagegaan word.

Heerlike, ontspanne en veilige oorslaapgerief.

Vriendelike diens, baie netjies, heerlike atmosfeer en gerieflike kamers.

Heerlik gerus.

Was hartlik ontvang en 'n goeie nagrus gehad. Kan dalk net aanbeveel dat hulle 'n bottel of twee skoon water in die yskas hou. Ontbyt was heerlik en stiptelik. Well done.

Neat and friendly.

Room was neat, we checked-in very late in the evening, and was still assisted by friendly staff.

Baie mooi en rustig omgewing buite dorp.

Die lodge is net buite die dorp wat dit baie rustig maak. Die kamer was ook baie mooi en die swembad area ook. Goeie waarde vir geld.

Vriendelik, netjies, billik geprys.

Ons het een Saterdagnag hier oorgebly vir 'n troue in die omgewing van Brits, en was aangenaam verras deur die vriendelike korrespondensie met die eienaars, die netheid van die geriewe en die billike tariewe. Die kamer is skoon en betreklik minimalisties, die lugversorging werk soos 'n bom en ons is bederf met sjokolade, koekies, cappuccinosakkies, en selfs 'n botteltjie vonkelwyn in die kroegyskas teen inkloktyd. Net spyt ons kan nie 'n bietjie langer vertoef en die mooi swembad geniet nie. Ons beveel graag Esmarline Lodge aan vir voornemende gaste.