Ezulwini Game Lodge

Voeg by Gunstelinge

 

Beskrywing

Ezulwini Game Lodge is 'n stukkie hemel op aarde op 'n pynappelplaas met volop voëllewe en wild. Rooibokke, njalas, sebras, kameelperde en die skugter bosloerie, om maar 'n paar te noem, is by hierdie lodge te sien.

Akkommodasie word voorsien in 19 gerieflike kamers, elkeen met 2 enkelbeddens, 'n en suite-stort en toilet en 'n koffiehoekie met 2 stoele waarop jy rustig kan sit en ontspan met 'n beker boeretroos.

As jy nader aan die bosveld wil kom, kan jy gerus een van die 4 kothuise bespreek. Elke kothuis het 2 enkelbeddens, 'n stort, toilet en volledige kombuis. Buite is daar 'n lekker braai-area waar jy gehalte tyd met 'n drankie in jou hand en jou geliefde aan jou sy kan deurbring.

Die lodge het ook 'n wonderlike hut met 'n volledig toegeruste kombuis en eetkamer waar jy en jou vriende lekker kan kuier ver van die rumoer van die alledaagse lewe af. Die hut het 2 slaapkamers, een met 1 dubbelbed en die ander een met 2 enkelbeddens. Elke slaapkamer het sy eie badkamer en daar is 'n lieflike braaiplek buite waar jy kan sit en ontspan.

Groter gesinne kan die drieslaapkamerhuis met kombuis, sitkamer en eetkamer bespreek. Die hoofslaapkamer het 'n en suite-badkamer en die ander twee slaapkamers deel 'n badkamer.

Koel gerus af in ons lieflike swembad as die hitte jou knou.

Ontbyt en heerlike buffet-aandetes word by die lodge bedien. Middagete- en ontbytpakkies is ook beskikbaar op versoek. 'n Groot verskeidenheid drankies kan by die kroeg bestel word om jou dors te les terwyl jy na daardie belangrike wedstryd in die aangrensende saal kyk.

Die vriendelikheid en gasvryheid van Ezulwini Game Lodge se personeel sal jou sommer al met die intrapslag tuis laat voel!

Kaart Meer oor die omgewing 

Gaste wat na Ezulwini Game Lodge gekyk het, het ook belangstelling getoon in die volgende lekke plekke:

Vanaf R980 per nag (vir 2 mense)

Aanvaar aanlynbetaling deur LekkeSlaap.co.za   
Jou webblaaier is verouderd!

Pas jou webblaaier aan om die korrekte webtuiste te sien. Pas my webblaaier aan

086 999 0018 | [email protected]

// Hotjar AB false