+43

Festina Lente in Onrus

26 resensies

Selfsorg

Winteraanbod 25% af

Bly 4 nagte en betaal slegs vir 3. Geldig vir verblyf vanaf 1 Jun 2022 tot 31 Jul 2022 gemaak.

Kapasiteit: 6 persone
Inkloktyd: 14:00 tot 17:00
Uitkloktyd: 10:00
Adres: De Kocksingel 5, Onrus, 7201, Wes-Kaap
Alle ouderdomme is welkom
Vanaf ~~R1 200~~ R900 per nag, vir 6 mense

Beskrywing

Festina Lente in Onrus bied gerieflike selfsorgverblyf in die kusdorp Onrus. Die huis is 15 minute se stap vanaf 'n swemstrand en 10 minute se ry vanaf die Hemel-en-Aardevallei se wynplase.

Dié ongekunstelde huis met ongepleisterde mure en 'n plankvloer wat kraak, bied slaapplek aan 6 gaste en het 3 slaapkamers, 2 en suite-badkamers, 'n kompakte leefarea en kombuis. Die eerste en tweede slaapkamers het elkeen 'n koningingrootte-bed en 'n en suite-badkamer met 'n stort.

Die boonste verdieping is 'n groot oop vertrek met 'n derde koningingrootte-bed en 'n oopplan-badkamer met 'n Victoriaanse bad, toilet en 'n wasbak.

Vir veiligheid kan die trappe en boonste vertrek met 'n tuisgemaakte traphek afgesper word met 'n plank wat in gleufies op die eerste trap ingeskuif word.

Die kombuisie is toegerus met 'n 271 L-yskas-vrieskas, tweeplaat-induksiestoof, konveksie-mikrogolfoond en kombuisware. Daar is 'n tweede 176 L-koelkas in die ontvangskamer wat ideaal vir koeldrank is. Ander geriewe sluit 'n heerlike groot onthaal- en braai-area buite in sowel as 'n slim-TV met sekere satelliet-kanale (OpenView), 'n DVD-speler en veilige parkeerplek in. Daar is ook 'n tuisbiblioteek en 'n stapel DVD's vir gaste om te geniet.

Onbeperkte WiFi is beskikbaar.

Daar is genoeg tafels wat as lessenaars kan dien vir minstens twee werkstasies vir diegene wat 'n plek soek om vir 'n paar dae op die platteland te bly terwyl hulle steeds van die huis af moet werk.

'n Groot trekpleister is dat vierpoot-familielede ook teen 'n dagtarief welkom is. Die erf is omhein en groot genoeg vir gehoorsame honde om in te speel.

Onrus bied aktiwiteite soos swem by Onrusstrand, boeremarkte met heerlike kos en gesellige atmosfeer, walviskyk vanaf Hermanus se kranse, 'n groot verskeidenheid restaurante, wynproe by wêreldbekende wynplase soos Creation en Bouchard Finlayson in die Hemel & Aardevallei, visvang, bergfietsry en gholf by Arabella of Hermanus of stap in Fernkloof se fynbosnatuurreservaat.

Kry ’n Kwotasie