Flatlet Peaceful

Selfsorg

Kapasiteit: 3 mense
Inkloktyd: 14:00 tot 22:00
Uitkloktyd: 10:00
Adres: 5de Laan 105, Kleinmond, 7195, Wes-Kaap
Alle ouderdomme is welkom
Vanaf R780 per nag (plek vir 3)

Beskrywing

Flatlet Peaceful is 'n knus selfsorgwoonstel in Kleinmond wat ideaal is vir 'n paartjie, 'n klein gesin of sakereisigers.

Die woonstel is aan die agterkant van die hoofhuis geleë, bied privaatheid van die hoofhuis en beskik oor sy eie ingang. Dié oopplan-eenheid is ingerig met 'n dubbelbed en 'n enkelbed, asook 'n aparte badkamer met 'n stort uitsuigwaaier.

Die kombuis is met 'n tweeplaatstoof, 'n mikrogolfoond, gasstofie, en 'n yskas toegerus. Maaltye kan by die etenstafel geniet word. Geen vangs van die dag mag by eenheid skoongemaak word nie.

Daar is 'n TV met die volle DStv-pakket en gaste het toegang tot gratis WiFi wat met 'n omsetter tydens beurtkrag werk. Herlaaibare lampies is ook tydens beurtkrag beskikbaar.

Gaste het toegang tot 'n onderdakbraai-area met tafels en stoele, asook 'n vuurput waar gaste kan ontspan en kuier.

Veilige parkeerplek word ook voorsien en daar is plek vir 'n karavaan of sleepwa. Die eiendom is vir veiligheid omhein.

Flatlet Peaceful is minder as 1 km van die strand en verskeie restaurante af. Kleinmond bied verskeie besienswaardighede en aktiwiteite, soos voetslaan- en staproetes langs die kus of in die berg, Rooisand Natuurreservaat buite die dorp waar gaste die wilde perde kan sien.

Kry ’n Kwotasie