by Flight of the Eagle @ Kruger | LekkeSlaap

+52

Flight of the Eagle @ Kruger

26 resensies

Selfsorg

Spesiale Aanbod 25% af

Kry 25% af (minimum twee nagte se verblyf). Geldig vanaf 25 Mrt 2021 tot 30 Nov 2021.

Voorkeurvennoot
Kapasiteit: 4 persone
Inkloktyd: 14:00 tot 18:00
Uitkloktyd: 09:00
Adres: Patryslaan 3584, Marlothpark, 2268, Mpumalanga
Alle ouderdomme is welkom
Vanaf ~~R2 900~~ R2 175 per nag (plek vir 4)

Beskrywing

Flight of the Eagle @ Kruger is in Marlothpark, 'n bewaringsgebied, aan die suidelike oewer van die Krugerwildtuin geleë. Wild loop vrylik in die area rond en Flight of the Eagle @ Kruger is sowat 50 treë vanaf die Krugerwildtuin se heining. Gereelde besoekers sluit koedoes, impalas, grysduikers, bosbokkies, njalas, vlakvarke, muishonde, kameelperde, volstruise, nagapies en vele meer in. Die huis is slegs 15 km vanaf die Krugerwildtuin en het slaapplek vir 4 volwassenes en 2 klein kinders in 'n ruim, luukse huis.

Dié huis beskik oor 2 slaapkamers met en suite-badkamers. Gehaltebeddegoed en badhanddoeke word voorsien. Gaste moet hulle eie swemhanddoeke saambring. Die hoofslaapkamer het 'n koningingrootte-bed en die tweede slaapkamer het 2 driekwartbeddens. Daar is ook 'n dagbed vir 1 kind of 2 klein kinders wat deel (3 tot 4 jaar oud).

Die sitkamer het gemaklike leerbanke. Daar is 'n TV en WiFi en gaste kan hul eie dekodeerder of TV-boks saambring.

Die oopplan-kombuis is toegerus vir selfsorg met 'n sesplaatgasstoof, elektriese oond, dubbeldeuryskas-vrieskas en 'n eet-area met oorgenoeg sitplek.

Gaste kan die swembad, boma met 'n braai-area en 'n vuurput benut. Die onthaalarea is hoër geleë en het 'n lieflike uitsig. Vroegoggend en laatmiddag kom kuier verskeie voëlspesies graag tot teen die patio.

Let asseblief daarop dat die swembad nie 'n veiligheidsnet het nie en dat kinders en volwassenes wat nie kan swem nie altyd onder toesig moet wees.

Kry ’n Kwotasie