Fork West Holiday Apartment - Ground Floor Unit 4

Selfsorg

Kapasiteit: 4 persone
Inkloktyd: 14:00 tot 19:00
Uitkloktyd: 10:00
Adres: Duinestraat 4, Elandsbaai, 8110, Wes-Kaap
Alle ouderdomme is welkom
Vanaf R1 650 per nag (plek vir 4)

Beskrywing

Fork West Holiday Apartment - Ground Floor Unit 4 bied gerieflike selfsorgverblyf in 'n smaakvol gemeubileerde tweeslaapkamerwoonstel op die grondvloer met 'n uitsig oor die see en op die berg. Fork West Holiday Apartments is stapafstand van die pragtige Elandsbaai-strand af geleë.

Eenheid 4 beskik oor 2 slaapkamers, 'n badkamer met 'n stort, 'n kombuis en 'n oopplanleefarea en -eetarea. Die eerste slaapkamer het 'n dubbelbed en die tweede slaapkamer het 2 enkelbeddens. Die kombuis is toegerus met 'n yskas, konveksie-oond, induksieplaat, ketel, broodrooster en basiese toebehore. Die leefarea beskik oor 'n ontbythoekie en 'n sitarea met 'n TV met sekere DStv-kanale. Dit lei ook na buite na 'n balkon met buitemeubels.

Elandsbaai is een van die Weskus se gewilde branderplankry-bestemmings en ander doendinge sluit roei, seil, visvang, kreefduik, duik, voëlkyk, walviskyk gedurende die seisoen, fotografie, voetslaan en bergfietsry.

Kry ’n Kwotasie