Fossil Hills Farm Cottages

Selfsorg

Gratis kansellasie tot 1 week voor jou verblyf!
Soos Gesien op Facebook
Kapasiteit: 54 mense
Inkloktyd: 14:00 tot 19:00
Uitkloktyd: 10:00
Adres: Thornvilla-plaas, 3 km vanaf McGregor, 6708, Wes-Kaap
Alle ouderdomme is welkom
Vanaf R1 400 per nag (plek vir 2)

Beskrywing

Fossil Hills Farm Cottages is op die Thornvilla-plaas in die Breedevallei tussen Robertson en McGregor. Dié wynplaas is deel van die McGregor Wynkelder - druiwe, pruime, appelkose en verskeie groente word jaarliks hier geoes. Fossil Hills se naam is van die fossiele wat op die plaas gevind is afkomstig en dit dateer terug tot 355 miljoen jaar gelede.

Selfsorgverblyf word in 'n aantal kothuise en huise aangebied. Die kothuise is op verskillende plekke op die plaas en bied privaatheid. Elke kothuis en huis het sy eie kombuis, leefarea en braaigeriewe, sowel as 'n KolKol-houtvuurwarmbad. Die hout word voorsien.

Meeste eenhede is troeteldiervriendelik, behalwe Stone-kothuis, Pinotage-huis en Lavender-kothuis. Bergfietse, kajakke en visstokke is by die meeste van die kothuise beskikbaar. Daar is gratis WiFi en al die eenhede behalwe Stone-kothuis en Lavender-kothuis. 'n Volle DStv-pakket is in Pinotage-huis, Tango-gastehuis, Aloe-kothuis en Lanvender-kothuis beskikbaar.

Die area bied verskeie aktiwiteite, soos vrugte- en olyfboorde, wingerde, voetslaanpaaie, bergfietsry, 4x4-roetes en voëlkyk in Vrolijkheid Natuurreservaat. Die eienaars bied wynwandelings aan en gaste is welkom om navraag te doen. Daar is ook 'n pottebakkery, galerye, strooihuis, plaaslike koffiewinkels, restaurante en kroeë.

Kry ’n Kwotasie