Galago Way

Selfsorg

Kapasiteit: 8 mense
Inkloktyd: 14:00 tot 21:00
Uitkloktyd: 09:00
Adres: Pelican-straat 51, St. Lucia, 3936, KwaZulu-Natal
Alle ouderdomme is welkom
Vanaf R4 000 per nag (plek vir 8)

Beskrywing

Galago Way is 'n vakansiehuis wat teen 'n oprit, agter 'n stukkie groenigheid waar St. Lucia se seekoeie tot rus kan kom, weggesteek is. Hierdie verblyf is ideaal vir 'n gesin of groep vriende wat op soek is na gerieflike verblyf in 'n ontspanne omgewing.

Dié vakansiehuis bied gerieflike slaapplek aan 8 gaste en beskik oor 4 slaapkamers, 3 badkamers, 'n kombuis en 'n leefarea. Die hoofslaapkamer het 'n koninggrootte-bed en 'n en suite-badkamer met 'n bad en 'n stort. Die tweede en derde slaapkamers het elk 'n koningingrootte-bed. Die derde slaapkamer het 'n en suite-badkamer met slegs 'n stort. Die vierde slaapkamer het 2 enkelbeddens en die derde badkamer het 'n bad en 'n stort. Daar is ook 'n gastetoilet.

Die oopplan-kombuis is met 'n yskas, gasstoof, oond, mikrogolfoond, lugbraaier, broodrooster, basiese eetgerei en breekware, asook koffie- en teemaakgeriewe toegerus. Die toonbank dien ook as 'n ontbythoekie en het kombuisstoeltjies. Daar is 'n etenstafel met stoele en die leefarea het 'n sitkamerstel en 'n platskerm-TV met DStv. Gratis WiFi is ook beskikbaar. Die skuifdeure lei na die stoep wat 'n piekniektafel en buitemeubels het. Gaste kan by die vuurput ontspan of in die plonspoel afkoel. Veilige parkeerplek is op die perseel beskikbaar.

Kry ’n Kwotasie