Goudrivier Wildoord

Wildsplaas

Gratis kansellasie tot 1 week voor jou verblyf!
Kapasiteit: 62 mense
Inkloktyd: 14:00 tot 18:00
Uitkloktyd: 11:00
Adres: Langs Dorsetstraat, Vaalwater, 0181, Limpopo
Alle ouderdomme is welkom
Vanaf R600 per nag, vir 2 mense

Beskrywing

Goudrivier Wildoord is op 'n wildplaas van 4 000 hektaar met baie wild en pragtige natuurskoon geleë en bied gerieflike selfsorgverblyf.

Die oord bied gaste 'n keuse van eenhede met slaapplek vir 4 gaste en elke eenheid beskik oor 2 slaapkamers met 2 enkelbeddens, en 'n badkamer met 'n bad en 'n stort. Linne, badhanddoeke en 'n daaglikse skoonmaakdiens word voorsien.

Elke eenheid het 'n kombuis wat vir selfsorg toegerus is en sluit 'n tweeplaatstoof, oond, mikrogolfoond en yskas in, en etes kan aan die etenstafel geniet word. Elke eenheid bied toegang tot 'n stoep met braaigeriewe en 'n pragtige uitsig oor die omgewing.

Gaste het toegang tot die gemeenskaplike swembad, sentrale lapas wat vir groepsfunksies beskikbaar is, sowel as 'n ontspanningsaal met 'n TV met DStv, tafeltennis, 'n pooltafel en 'n veerpyltjiebord. 'n Konferensiekamer kan ook vir gaste bespreek word, en die oord het 'n snoepie.

Aktiwiteite by die oord sluit bergfietsry en staproetes in, en wildritte is teen uiters billike pryse beskikbaar. Gedurende die wildrit sal gaste Goudrivier se baie spesiale rotskuns besoek, en dit word deur dr WH Smith van Wits beskryf as die bes bewaarde boesmantekeninge in die Waterberge. Selfry-wildritte word ongelukkig nie toegelaat nie.

Daar is 'n rits pragtige wilde voëls wat by die verskillende damme by Goudrivier Wildoord woon, en visvang word op 'n vang-en-vrylaat-basis toegelaat. Trapbootjies is ook beskikbaar en sal kinders en volwassenes vermaak.

Kry ’n Kwotasie