Groeneweide Farm

Selfsorg

Kapasiteit: 14 persone
Inkloktyd: 14:00 tot 19:00
Uitkloktyd: 10:00
Adres: R43, Groeneweide-plaas, Franskraal, Gansbaai, 7220, Wes-Kaap
Alle ouderdomme is welkom
Vanaf R1 304 per nag, vir 2 mense

Beskrywing

Groeneweide Farm is 'n toevlugsoord wat ontspanning bied. Daar is plaas-tot-tafel-eetplekke, 'n tuinsentrum, kunsvlytwerksentrum, staproete, weeklikse parkrun, 'n speelgrond vir kinders, vrylopende plaasdiere en selfsorgverblyf. Hiér is 'n rustige atmosfeer, outentieke kos en 'n asemrowende uitsig oor die see en op die berge en gaste kan die magie van die plaas ervaar.

Hierdie verblyf is 2 km vanaf Franskraal en 7 km vanaf Gansbaai en verblyf word in 3 losstaande selfsorghuise met sonkrag en gratis WiFi gebied.

Blombos Selfsorghuis is in 'n rustige fynbosarea met 'n uitsig op die Franskraalberge, oor 'n natuurlike fonteindam en 'n see-uitsig in die verte geleë. Dié huis bied slaapplek aan 4 gaste en beskik oor 2 slaapkamers, 2 en suite-badkamers, 'n oopplan-leefarea met 'n volledig toegeruste kombuis en 'n onderdakstoep met braaigeriewe.

Lobelia Selfsorghuis skuil in 'n welige en rustige tuin met 'n berguitsig. Die huis het slaapplek vir 6 gaste en beskik oor 3 slaapkamers, 2 badkamers, 'n volledig toegeruste kombuis, leefarea met 'n kaggel en 'n onderdakstoep met braaigeriewe.

Kiepersol Selfsorghuis is 'n moderne en minimalistiese huis met skoon, oop en liggevulde ruimtes met 'n groot stoep wat 'n privaat tuin het. Dié huis bied slaapplek aan 4 gaste en beskik oor 2 slaapkamers, 2 en suite-badkamers, 'n oopplan-leefarea met 'n volledig toegeruste kombuis en buitebraaigeriewe.

Besienswaardighede en aktiwiteite in die area sluit haaihokduik, swem, walviskyk, fietsry, voetslaan en visvang in.

Kry ’n Kwotasie