Hannah Game Lodge

Wildsplaas

Kapasiteit: 123 mense
Inkloktyd: 14:00 tot 22:00
Uitkloktyd: 10:00
Adres: R555 Ou Burgersfortpad, Ohrigstad, 1122, Limpopo
Alle ouderdomme is welkom
Vanaf R3 600 per nag, vir 2 mense

Beskrywing

Hannah Game Lodge, "Geskenk van God", weerspieël die volmaaktheid van Afrika soos dit deur God geskape is. Gaste kan hier in die hartjie van die bosveld hul vlerke kom sprei en inspirasie kom put.

Die lodge skuil tussen die Drakensberg-platorand se heuwels. Dis 'n pragtige privaat wildlodge wat oor 8000 ha malariavrye bosveld strek. Afrika se klanke, geure en kleure bekoor menige besoeker, veral wanneer die son met dagbreek die vallei in pienk, rooi en oranje skakerings tooi.

Verblyf word gebied in 56 verhewe standaard en suite-kamers met privaat stoepe wat uitsigte oor die reservaat bied. 14 van die eenhede het skakeldeure om 7 gesinseenhede te vorm. Die lodge bied ook 4 luukse suites, én 4 ultra luukse suites.

Al die kamers word daagliks skoongemaak en handdoeke en linne word geruil. Daar is koffie- en teemaakgeriewe in al die eenhede sodat gaste soggens met 'n koppie boeretroos op die stoep kan sit en die bosveldson kan groet.

Die 8000 ha bosveld se vlaktes, heuwels en berge skep 'n tuiste aan 'n ryk verskeidenheid plante, diere en voëls. Buiten buffels en luiperds is daar ook 17 bokspesies, onder andere hartebeeste, gemsbokke, rooiribbokke, springbokke en elande.

Die wildlodge spog ook met 'n suksesvolle teëlprojek vir swartwitpense wat gaste saam met gidse kan besoek. Wildritte soggens en smiddae bied oorgenoeg geleentheid om die natuurlewe te aanskou en foto's te neem.

Die aantal voëlspesies op die reservaat word op meer as 250 beraam en op sommige dae mag gaste selfs die statige sekretarisvoël in die gras sien rondstap.

Hannah Game Lodge is naby die dorpie Ohrigstad op die grens van Limpopo en Mpumalanga. Dit is op die wêreldbekende Panoramaroete, 'n ideale ligging vir diegene wat die Laeveld wil verken. Van die besienswaardighede op dié roete sluit Voortrekkergrafte, God's Window, Pelgrimsrus, Drie Rondawels, Bourke's Luck Potholes, Blyderivier Canyon, The Pinnacle, Robertspas, Mac Mac-poele, Bridal-waterval, Lisbon-waterval en veel meer in.

Kry ’n Kwotasie