Happy Days

Fantastiese ligging en privaatheid.

Ons was stapafstand vanaf strande en restaurant. Privaat “courtyard” en braai area was heerlik, en dan was daar tonne dvd's en vermaak vir die kinders.

Eienaar was baie vriendelik, kamertjie was klein, maar dit was teen lae koste.

Sien sterre.

Baie veilig en rustig.

Was baie vriendelik en gasvry ontvang. Dadelik tuis gevoel. Eienaar was baie gewillig om ons in te lig oor Keurboomstrand en alles wat te doen is. Ons was 2 vrouens (skoonsusters) en het baie veilig gevoel. Sal enige tyd weer daarheen gaan en aanbeveel.

Ek en my ma was op pad Kaap toe en het twee aande hier oorgeslaan.

Lee is 'n baie vriendelike gasheer en het ons baie welkom laat voel. Die stoepkamertjie is klein maar het alles wat mens nodig het. Ons het baie lekker gebly. Die omgewing is rustig en mens kan lekker rus. Dis naby die strand.

Uitstaande gasheer en ongelooflike waarde vir geld.

Lee was ongelooflik gasvry, hy het ons baie welkom laat voel. Die verblyf was pragtig, netjies en skoon. Toegerus met alles wat ons moontlik kon nodig kry en soveel meer. Wens ons kon baie langer bly, maar gaan beslis weer sodra ons kan! Dankie Lee!

Dit was n oulike plekkie ons was baie gemaklik. Dankie Lee vir jou gasvryheid.

Baie gerieflik vir 'n naweek.

Lekker naby die strand.

Klein, maar goed toegerus en pragtig skoon. Pragtige tuin. Die houtvloer bokant die dak was effens steurend. Ons sal vir seker weer terugkom. 'n Ekstra bonus was die hout wat verskaf is. Ons het lekker gebraai. Pragtige stoepie om op te ontspan.

At the right place at the right time.

We did not get what we paid for, we got more than we paid for. The owner offered us a stay in the 'wooden chalet' as we were the only guests there at the time. Thank you.

Baie dankie, ons het lekker gebly en dis lekker naby die strand - goeie gasheer!

Die Stoepkamertjie is lekker verblyf en voldoende vir 2 persone.

Baie aangenaam en rustig.

Eienaar self het ons verwelkom en ons dadelik welkom laat voel. Die eenheid was netjies en skoon met aankoms. Die eienaar het selfs vir ons n sak hout verskaf vir 'n braai. Sal Happy Days enige tyd aanbeveel. Baie gerieflik en bekostigbaar.

Was heerlik, veilig en stil, strand loopafstand.

Vriendelik ontvang, plek was mooi skoon. Ons het lekker gekuier.

Waarde vir geld.

Klein en basies. Indien jy net slaapplek soek en meeste van die tyd die area gaan verken is die plek perfek. Kan nie geklop word vir waarde vir geld nie. Bed, badkamer, kombuisie, stoepie en braaiplek.

Naby strand, ideaal vir ouers met kleuters 7+.

Baie vriendelike, behulpsame gasheer, goed toegerus, vermaak vir kleuters 7+, veilig.

Lee is baie hulpvol en vriendelik.

Alles was goed, reg vir 'n oornag of twee. Die kamer is baie klein maar netjies en alles is daar. Keurbooms is regtig mooi vir stap, rotse klim ens. Ook baie stil.

Koste-effektief.

Die eienaar het ons vriendelik ontvang en het ons self geskakel op pad na hom om te hoor waar ons is. Die plekkie is klein maar ideaal vir 'n "stop over". Sal definitief weer gaan, baie dankie!

Baie lekker gebly. Eienaars laat jou tuis voel.

Keurboomstrand is 'n lieflike plekkie om te bly. Baie stil en rustig in die tyd wat ons gegaan het (Maart/April). Mens omtrent 10 km weg van Plettenbergbaai as mens iets nodig het. Lee, die eienaar, is baie gasvry en baie behulpsaam. Hy en sy vrou het ons baie welkom laat voel en was altyd bereid om te help as mens iets nodig gehad het. Ons privaatheid was ten alle tye gerespekteer. Die kamer (Die Stoepkamertjie) was netjies en het genoeg geriewe gehad om lekker te bly. Sal definitief weer daar bly in die toekoms. Ons het dit baie geniet en Enrico's Restaurant in die straat af is 'n groot bonus.

Een van die bestes.

Dit kry jy nie meer baie nie. Gasvryheid, diens, persoonlike aandag, hulpvaardig. Lee is 'n omgee mens en 'n wonderlike gasheer. Lekker op die stoep gesit en braai. Te voet strand toe en lekker gaan eet. Hoef nie te ry nie.

Baie goed versorgde oornagverblyf.

Dit bied goeie oornagverblyf in 'n rustige omgewing en kan aanbeveel word.

Het aan alle verwagtings voldoen.

Vyf sterre vir al die aspekte van my verblyf.