Happy Family Guest House

Gastehuis

Kapasiteit: 10 persone
Inkloktyd: 14:00 tot 19:00
Uitkloktyd: 10:00
Adres: Cliff-straat 15, De Kelders, Gansbaai, 7220, Wes-Kaap
Alle ouderdomme is welkom
Vanaf R2 500 per nag (plek vir 10)

Beskrywing

Happy Family is 'n ruim selfsorg-gastehuis in Cliffstraat op die sogenaamde goue myl vir walviskyk in De Kelders. Die gastehuis is die ideale plek om te ontspan, lang ente langs die kus te gaan stap, pragtige sonsondergange te bewonder en lekker saam met familie te kuier. Happy Family Guest House is naby die ongerepte De Plaate-strand, Stanfordsbaai, die skilderagtige Klipgatroete en die grotte.

Die gastehuis bied slaapplek vir 10 gaste en het 4 slaapkamers. Die hoofslaapkamer het 'n dubbelbed, lugversorging en 'n en suite-badkamer met 'n bad en stort. Dié kamer het skuifdeure met sekuriteitshortjies wat direkte toegang tot die terras bied. Die tweede slaapkamer met 'n see-aansig het 'n dubbelbed en direkte toegang tot die voorste terras. Hierdie kamer het toegang tot 'n badkamer met 'n toilet, stort en bad net oorkant die gang. Die derde kamer 'n dubbelbed en toegang tot 'n badkamer langsaan die kamer met 'n stort en bad. Die vierde slaapkamer is 'n ruim ateljee met 2 enkelbeddens, 'n slaapbank, 'n pooltafel en 'n en suite-stort. Die kamer het direkte toegang tot die agterplaas en klimraam.

Die kombuis, eetarea en leefarea is oopplan. Die kombuis is volledig toegerus vir selfsorg en daar is 'n groot eetkamertafel met bankies in die eetkamer. Die sitkamer is in die middel van die huis en dit is ingerig met 'n gemaklike rusbank en 'n platskerm-TV met DStv Premium en 'n DVD-speler. WiFi is oral in die huis beskikbaar.

Die sitkamer het skuifdeure wat na 'n terras en klein tuintjie met pragtige uitsigte lei. Daar is braaigeriewe, 'n klimraam vir kinders en ook parkeerplek op die perseel.

Die huis word daagliks skoongemaak. Ontbyt is op versoek en teen 'n ekstra koste beskikbaar.

Kry ’n Kwotasie