Heidedal Selfsorg Gastehuis

Selfsorg

Kapasiteit: 14 persone
Inkloktyd: 14:00 tot 19:00
Uitkloktyd: 11:00
Adres: Heidedal-plaas, Porterville, 6810, Wes-Kaap
Alle ouderdomme is welkom
Vanaf R620 per nag, vir 2 mense

Beskrywing

Heidedal Selfsorg Gastehuis is op 'n plaas 27 km buite Porterville geleë in die Groot Winterhoek berge en is deel van die bewaar-area naby die Groot Winterhoek Natuurreservaat. Die naaste dorpe is Tulbagh (75 km), Piketberg (53 km) en Citrusdal (75 km).

Verblyf word in 2 selfsorgeenhede aangebied, naamlik Grasdak Plaashuis (12 gaste) en Die Stalle (5 gaste). Die Grasdak Plaashuis is 'n groot gerieflike huis en beskik oor 5 slaapkamers en 4 badkamers en bied verblyf aan tot 10 gaste. Die huis het 'n ruim stoep met 'n sit-, eet- en braai-area, 'n uitsig oor die tuin met groot bome en 'n pragtige grasperk en op die berge. Daar is ’n goed toegeruste kombuis met ’n oopplan-eetarea en die sitkamer het 'n kaggel vir daardie koue wintersaande se kuiers. Net buite die huis is n studio waarin nog twee mense kan slaap. Hier is tee maak geriewe n mikrogolf en n stort en toilet.

Die Stalle bied basiese selfsorggeriewe en beskik oor 2 slaapkamers elk met eie stort, toilet en wasbak. Die eenheid kan in totaal 4 volwassenes of 2 volwassens en 3 kinders akkommodeer. Die kombuis is met, onder andere, ’n stoof, yskas, breekware en ketel toegerus en sluit aan by die sit- en eetarea. Al die vertrekke het 'n deur wat lei na die stoep wat tafel, stoele en braaigeriewe het. Die Stalle het ook ’n fantastiese uitsig op die berge wat vir seker bydra tot die rustigheid.
`
Die Fauna en Flora is onder andere klipspringers, duikers en vaal ribbokke, bobbejane, rooikatte, muskeljaatkatte, wildekatte en luiperds en n magdom voels. Die Kaapse fynbos in die omgewing is ryk aan verskeie spesies.

Vir die stappers is daar 'n hele paar voetslaanpaaie in die Groot Winterhoek Berge en navraag in dié verband kan by Cape Nature gedoen word.

Kry ’n Kwotasie