Hermanus Heights Villa

Selfsorg

Gratis kansellasie tot 24 uur voor jou verblyf!
Kapasiteit: 9 persone
Inkloktyd: 14:00 tot 19:00
Uitkloktyd: 10:00
Adres: Raed-Na-Gaelstraat 37, Hermanus Heights, Hermanus, 7200, Wes-Kaap
Alle ouderdomme is welkom
Vanaf R1 700 per nag (plek vir 5)

Beskrywing

Hermanus Heights Villa is 'n selfsorghuis wat slaapplek aan 2 tot 8 gaste in 'n luukse deel van Hermanus bied. Die kamers en sitkamer het elk 'n pragtige uitsig oor Walkerbaai. Daar is 2 eenhede waarvan 1 op die boonste en die ander op die onderste verdieping is. Dit kan saam vir 'n groot gesin of groep bespreek word.

Die boonste verdieping het 2 slaapkamers en 2 badkamers, elk met 'n Die hoofslaapkamer het 'n koninggrootte-bed en die tweede slaapkamer het 2 enkelbeddens. Dié verdieping is rolstoelvriendelik. Een van die badkamers het 'n inry-stort (sonder 'n drumpel) met handrelings waaraan jy kan vashou. Daar is geen trappies nie en oorgenoeg ruimte om 'n rolstoel deur die gebou te beweeg.

Die onderste verdieping beskik oor 3 slaapkamers en 2 badkamers. Die eerste badkamer het 'n bad, wasbak en toilet, en die tweede het 'n stort, wasbak en toilet. Die hoofslaapkamer het 'n dubbelbed en die ander 2 kamers het 2 enkelbeddens. Daar is ook 'n kombuis met 'n yskas-vrieskas en 'n gasstoof met 'n oond, mikrogolf en skottelgoedwasser.

Die huis is op een van die hoogste erwe geleë, teenaan die Raed-na-Gael-berg en dit bied 'n ongelooflike uitsig oor Walkerbaai. Jy kan van die huis af walvisse kyk gedurende die walvisseisoen. Daar is kuspaadjies wat jy kan stap, jy kan die Fernkloof Natuurreservaat besoek en die Hemel en Aarde-vallei is ook naby. Verder is daar wonderlike kos- en kunsvlytmarkies, feeste en 'n groot verskeidenheid restaurante en koffiewinkels.

Kry ’n Kwotasie