Hermanus Holiday Home

Selfsorg

Spesiale Aanbod 10% af

Kry 10% af (minimum twee nagte se verblyf). Geldig vir verblyf vanaf 1 Jun 2024 tot 15 Jul 2024.

Kapasiteit: 8 mense
Inkloktyd: 14:00 tot 19:00
Uitkloktyd: 10:00
Adres: Flat-straat 4, Hermanus, 7220, Wes-Kaap
Alle ouderdomme is welkom
Vanaf ~~R2 600~~ R2 340 per nag (plek vir 8)

Beskrywing

Hermanus Holiday Home is in die skilderagtige Kwaaiwater-area, 400 m vanaf die Atlantiese Oseaan geleë. Dit is 'n helder, lugtige en sonnige huis wat ideaal is vir gesinne of groepe vriende. Die stoep en omheinde tuin bied 'n pragtige uitsig op die berge en oor die gholfbaan. Of jy nou 'n vakansie of wegbreeknaweek beplan is die Riviera van die Suide, Hermanus, die perfekte plek om te besoek.

Daar is 4 ruim slaapkamers. Die hoofslaapkamer het 'n koningingrootte-bed, 'n en suite-badkamer met 'n bad, stort, wasbak en 'n toilet, en 'n privaat sitarea met 'n TV en 'n groot balkon met 'n uitsigte op die berge en oor die gholfbaan. Die tweede slaapkamer op die onderste verdieping het 'n dubbelbed en 'n en suite-badkamer met 'n bad, stort en 'n wasbak. Die toilet is apart. Die derde slaapkamer het 'n koningingrootte-bed en die vierde slaapkamer het 2 enkelbeddens, en albei het berguitsigte. Dié gaste deel 'n badkamer met bad, stort en 'n aparte toilet.

Daar is 2 sitkamers, WiFi, Netflix en 'n omsetter om 'n paar klein toestelle tydens kragonderbrekings aan die gang te hou. Die volledig toegeruste oopplan-kombuis en -eetarea is 'n lieflike ruimte vir kook en onthaal.

Met 'n dubbelmotorhuis, 'n omheinde agterplaas, 'n alarmstelsel en 'n volledig omheinde voortuin, is hierdie huis 'n perfekte wegbreekplek in 'n veilige area.

Die nabygeleë winkelsentrum bied 'n gimnasium, restaurant, kunsgalery, apteek, wynboetiek en 'n paar winkels.

Hermanus is 'n bekoorlike kusdorp sowat 2 uur se ry vanaf Kaapstad. Hermanus Holiday Home is ideaal vir gaste wat op soek is na 'n naweekwegbreek of 'n vakansie by die see. Hermanus bied talle aktiwiteite en plekke om te besoek. Goue strande, markte, restaurante, kunsgalerye, voëlkyk, voetslaan en fietsry in skilderagtige Fernkloof, of rondry in die skilderagtige Hemel & Aarde-vallei met al die wynlandgoedere en restaurante. Gaste kan ook walviskyk vanaf die bekende kranspaadjie.

Kry ’n Kwotasie