Hillside Farm

Voeg by Gunstelinge

 

Beskrywing

Hillside Farm is 'n plaas in die Suidelike Vrystaat, 'n veeboerderystreek. Die plaas is naby die N1 tussen Trompsburg en Springfontein en is die ideale oornagplek vir diegene op pad na Gauteng, Limpopo, Mpumalanga en selfs vanaf KwaZulu-Natal na die Oos-Kaap of Wes-Kaap.

Verblyf is beskikbaar in 3 eenhede, naamlik Len's Cottage, Garden View en The Tree House wat in 'n pragtige tuin skuil. Elke eenheid het 'n yskassie, 'n mikrogolf en tee- en koffiemaakgeriewe. 'n Kontinentale ontbyt word daagliks in elke eenheid bedien en sluit ontbytpap, jogurt, vars vrugte of vrugte gestoof in rooibostee, kaas, stukkonfyt, vrugtesap, varsgebakte muffins, tee en koffie in.

Hillside Farm bied veilige parkeerplek en verskeie buitelug-doendinge. Verken die plaas te voet, besigtig die plaasaktiwiteite, ry fiets, speel tennis of krieket of koel af in die omheinde swembad tussen ou, gevestigde bome. Gaste kan kyk hoe lammertjies in die lente op die vlaktes baljaar, hoe wolskape geskeer word en Angus-kalwers geweeg en gemerk word. Daar is 'n stoep en 'n lekker grasperk waar gaste 'n piekniek kan hou onder die sterrehemel.

Die plaas is al vir 4 generasies en meer as 100 jaar in dieselfde familie. Elke generasie het op die sukses van die vorige gebou en toevoegings gemaak.

Kenmerke

  •  Swembad
  •  Veilige Parkering

Aktiwiteite op perseel

  •  Fietsry
  •  Swem
  •  Tennis

Geriewe

  •  Swembad
  •  Geen Rook Binnenshuis

Hier praat ons

  •  Engels

Maaltye Aangebied

  •  Ontbyt

Parkeerplek

  •  Veilige Parkering

Kaart Meer oor die omgewing 

Gaste wat na Hillside Farm gekyk het, het ook belangstelling getoon in die volgende lekke plekke:

Vanaf R1 300 per nag (vir 2 mense)

Aanvaar aanlynbetaling deur LekkeSlaap.co.za   
Jou webblaaier is verouderd!

Pas jou webblaaier aan om die korrekte webtuiste te sien. Pas my webblaaier aan

086 999 0018 | besprekings@lekkeslaap.co.za