Hotel Sky Cape Town

Hotel

Kapasiteit: 514 persone
Inkloktyd: 14:00 tot 19:00
Uitkloktyd: 10:00
Adres: Lower Long-straat 9, Foreshore, Kaapstad, 8000, Wes-Kaap
Alle ouderdomme is welkom
Vanaf R1 895 per nag, vir 2 mense

Beskrywing

Hotel Sky Cape Town is 'n nuwe toevoeging tot die ikoniese Kaapstad-silhouëtte. Die hotel spog met een van die beste addresse in die stadskom, direk oorkant die Kaapstad Internasionale Konferensiesentrum.

Die hotel het 535 pragtige kamers en suites. Dit is die ideale bestemming vir beide plaaslike en internasionale sakereisigers en vakansiegangers. Elke kamer het sy eie en suite-badkamer, 300-draadtelling linne, 'n slim-TV sodat gaste flieks en reekse kan stroom, 'n kluis groot genoeg vir 'n skootrekenaar en onbeperkte, vinnige WiFi-toegang.

In geval die ideale ligging en pragtige kamers nie genoeg is nie, bied die hotel ook ongeëwenaarde, panoramiese uitsigte vanuit meeste van die verdiepings oor die stadskom tot by Tafelberg, en uit oor die Waterfront en Tafelbaai. Die luukse Infinity Restaurant op die 26ste verdieping bied die heel mooiste uitsig in die hotel.

Die restaurant kombineer 360-grade berg- en see-uitsigte met wolkekrabber-fynproewersmaaltye. Die restaurant spog met 'n stylvolle aanleg en 'n verskeidenheid drankies en moderne disse wat met vars, topgehalte-bestanddele gemaak word.

Die Sky Hi Ride op die 28ste verdieping van die hotel torin 35 m bo die Kaapse stadskom uit en bied 'n onbelemmerde uitsig oor een van die mooiste stede in die wêreld. Die opwindende en asemrowende rit verontagsaam swaartekrag en bereik 'n vryvalspoed van tot en met 100 km per uur.

Ander hotelgeriewe sluit robotte in wat aangedryf word deur kunsmatige intelligensie. Hier smelt moderne tegnologie saam met die klassieke en gerieflike gasvryheid wat gaste nou al verwag van die Hotel Sky.

Kry ’n Kwotasie