House of Art

Gastehuis

Kapasiteit: 4 persone
Inkloktyd: 14:00 tot 19:00
Uitkloktyd: 10:00
Adres: Kerkstraat 6, Haenertsburg, 0730, Limpopo
Geen kinders onder 12
Vanaf R950 per nag (plek vir 2)

Beskrywing

House of Art is 'n bekoorlike kunstenaarshuis wat verblyf vir 4 gaste in die prentjiemooi dorpie, Haenertsburg, net 57 km vanaf Polokwane bied. Die gasheer is 'n keramiek- en glaswarekunstenaar en die naam van die huis is 'n voorsmakie van die kreatiwiteit wat gaste binne, buite en rondom die huis sal vind. Gaste kan kom inspirasie put uit die kunstige styl en selfs 'n keramiek werkswinkel bywoon.

Verblyf word in 2 gastekamers aangebied. Die privaat kamer het 2 enkelbeddens en 'n en suite-badkamer met 'n groot stort, toilet en 'n wasbak. Die kamer het 'n yskassie, mikrogolf, tee- en koffiemaakgeriewe en gratis WiFi. Beskuit word voorsien.

Sunrise Chalet is 'n houtchalet wat vas is aan die hoofhuis. Dit het 'n privaat ingang en 'n privaat houtdek. Daar is 'n 2 enkelbeddens wat as 'n koninggrootte-bed opgemaak is en 'n en suite-badkamer met 'n stort. Verder is daar ook WiFi, 'n yskassie, mikrogolfoond en tee- en koffiemaakgeriewe en beskuit. Gaste het toegang tot braaigeriewe.

Die gastehuis is stapafstand vanaf verskeie winkels en restaurante in die dorpie en naby voetslaan- en bergfietsroetes.

Kry ’n Kwotasie