Hubert's Haus - Peace and Tranquility

Selfsorg

Kapasiteit: 6 mense
Inkloktyd: 14:00 tot 20:00
Uitkloktyd: 11:00
Adres: Crawberry-keeromstraat 36, Green Pastures, Knysna, 6571, Wes-Kaap
Geen kinders onder 6
Vanaf R5 000 per nag (plek vir 6)

Beskrywing

Hubert's Haus - Peace and Tranquility is in die veilige Green Pastures naby die Soutrivier tussen Simola Gholflandgoed en die Knysna Strandmeer geleë. Hubert's Haus - Peace and Tranquility bied gerieflike selfsorgverblyf in 'n lieflike drieslaapkamerhuis.

Die huis het slaapplek vir 6 gaste in 3 slaapkamers. Die eerste en tweede slaapkamer het elkeen 'n koningingrootte-bed en die derde slaapkamer het 2 enkelbeddens. Die kombuis is toegerus vir selfsorggebruik en sluit 'n yskas, oond, stoof en mikrogolfoond oond in. Die huis het ook gratis WiFi en volledige DStv, sowel as 'n ingeboude braai en 'n smeulstofie.

Kuier rustig op die dek met 'n skemerkelkie in die hand en 'n vleisie op die kole terwyl die son sak. Hou gerus jou ore oop vir die geroep van die naguiltjies. Die ligging bied toegang tot die idilliese dorp, Knysna, gholfbane, die strandmeer en die Knysna Waterfront. Dit is die ideale ligging vir reisigers wat Knysna en die Tuinroete wil verken.

Die perseel bied die ideale geleentheid vir bergfietsryers, voetslaners en woud-drawwers wat die woudroetes van Knysna, Gouna en Diepwalle inheemse woud, asook Kom se Pad, Harkerville en Homtini bergfietsroetes wil verken. Ons is 'n fietsvriendelike instansie wat by Bicycle South gesertifiseer is en bied garagespasie om fietse te stoor, asook geriewe om fietse te was.

Kry ’n Kwotasie