Ice Cream Days

Selfsorg

Kapasiteit: 6 mense
Inkloktyd: 14:00 tot 18:00
Uitkloktyd: 10:00
Adres: Tornynstraat 18, Stilbaai, 6674, Wes-Kaap
Alle ouderdomme is welkom
Vanaf R3 350 per nag (plek vir 6)

Beskrywing

Ice Cream Days bied gerieflike selfsorgverblyf in 'n moderne en minimalistiese huis in Stilbaai. Die smaakvol versierde huis is naby die riviermond en die hawe.

Die huis het 'n rustige atmosfeer en bied slaapplek aan 6 gaste in 3 en suite-slaapkamers.

Die eerste slaapkamer het 'n koningingrootte-bed, die tweede slaapkamer het 2 enkelbeddens en die derde slaapkamer het 'n dubbelbed. Die derde slaapkamer front na die binnehof. Die eerste en suite het 'n stort, toilet, wasbak en 'n bad. Die tweede en suite-badkamer het 'n stort, toilet en 'n wasbak. Die derde en suite-badkamer het 'n stort, toilet, wasbak en 'n wasmasjien. Die eerste en tweede badkamer het lugversorging en verhitte handdoekrelings. Daar is komberse in al die slaapkamers en 'n haardroër in die hoofslaapkamer.

Die huis het 'n oopplan-uitleg, 'n leefarea en 'n ten volle toegeruste kombuis. Die kombuis is met 2 yskaste, elektriese oond, gasstoof, skotteldoedwasser, Nespresso-masjien, broodrooster, dompelkoffiepot en 'n mikrogolfoond toegerus.

Daar is ook 'n strykyster en strykplank. Die groot skuifdeure lei na 'n binnehof met 'n grasperk, onderdakstoep, braaigeriewe en 'n etenstafel. Onbeperkte WiFi en die volle DStv-pakket is beskikbaar. Daar is ook 'n alarm.

Die omsetter voorsien krag aan die TV en WiFi. Daar is ook 'n helder lig op die stoep wat tydens beurtkrag werk, asook herlaaibaire ligte in die suites en by die toonbank.

Die stoep is die ideale plek om te ontspan, 'n boek te lees of maaltye te geniet. Daar is 'n etenstafel geskik vir 6. Dié kant van die huis is beskut teen die wind, selfs al waai die wind van die strand se kant af. Die groot skuifdeure skep 'n binne-buite-leefarea.

Gaste het toegang tot parkeerplek op die perseel.

Kry ’n Kwotasie