Jackalberry Tented Camp

Selfsorg

Soos Gesien op Instagram
Kapasiteit: 8 persone
Inkloktyd: 14:00 tot 19:00
Uitkloktyd: 10:00
Adres: Nkasa Rupara Nasionale Park, Caprivi, 0000, Zambezi
Geen kinders onder 18
Vanaf R8 820 per nag, vir 2 mense

Beskrywing

Jackalberry Tented Camp is in die Nkasa Lupala Nasionale Park, voorheen as die Mamili Nasionale Park bekend, geleë. Dié lodge skuil teen die Linyaliriviermonding waar 'n groot deel van die park se wild wei en hulle van die lodge se dek af dopgehou kan word. Namibië se vloedvlaktes en Botswana se boswêreld kan ook van hiér af gesien word.

Daar is 4 struktuurtente waarvan 1 die wittebroodtent is. Elke tent het 'n bedlampie, tee- en koffiemaakgeriewe en 'n stort met warm water wat deur sonkrag verhit word.

Die hooflodge is rondom 'n groot jakkalsbessieboom gebou en die eerste en tweede verdieping is waar die ontvangsarea, eetkamer, sitkamer en kroeg geleë is. Die tweede verdieping is lekker ruim en het 'n gerieflike sitkamer met 'n ongelooflike uitsig oor die omliggende omgewing. Die onderste verdieping het 'n gemeenskaplike kaggel waar gaste lekker saam kan kuier.

Besienswaardighede in die omgewing sluit Namibië se vloedvlaktes en Botswana se boswêreld net oorkant die rivier in.

Kry ’n Kwotasie

Wys geriewe