Joosteswerwe Camping

Voeg by Gunstelinge

 

Beskrywing

Joosteswerwe Camping is 'n werkende plaas in die Groot Karoo op die R384 tussen Carnarvon en Vosburg. Ons streef daarna om dié tipe plaas-ervaring te bied wat besoekers herinner aan hulle kinderdae op die plaas.

Die kampeerterrein is op Kokerskolk-plaas geleë, onder beeldskone ou doringbome langs die lusernlande en bied pragtige uitsigte oor die Boesakrivier. Ons het 2 groot private staanplekke met braai-areas en groot lapas. Die staanplekke het elkeen hul eie kragpunt en water en ook 'n rustieke buite-stort en toilette. Indien jy verkies om nie die oop geriewe te gebruik nie, is daar 'n ablusieblok sowat 150 m verder. Daar is ook 'n lieflike swemdam waar jy kan afkoel op 'n warm somersdag. Gaste word aangemoedig om lang romantiese wandelinge en bergfietsritte te onderneem. Die grondpaaie is die meeste gepas vir viertrek-karavane.

Sluit gerus aan by die oggend-uitstappie na die ongelooflike rotstekeninge. Sit en nuttig 'n drankie as jy uitgeput is van al die uitstappies, of gaan soek nog onontdekte rotstekeninge. Laat in die middag is daar nog 'n rit waarby jy kan aansluit, en op pad terug sal die Karoo se krioelende sterrehemel jou betower.

Joosteswerwe is op 'n werkende plaas en daar is heelwat doendinge vir jonk en oud. Kyk hoe die boer sy dagtaak verrig en hoe die bokke soggens gebruik word om die weeslammertjies te voed. Die perde moet gevoer word en saans moet al die diere "in die bed gesit" word. Besoekers is gewoonlik mal daaroor om dit te sien. Al die plaaswerk word met behulp van perde gedoen. 'n Rit op 'n perdekar vergeet 'n mens nie sommer nie.

Kenmerke

  •  Swembad
  •  Braaiplek
  •  Troeteldiere indien gereël

Aktiwiteite op perseel

  •  Perdry
  •  Voëlkyk
  •  Wildritte
  •  Swem

Geriewe

  •  Swembad
  •  Begeleide Wildritte as Ekstra
  •  Braaiplek
  •  Troeteldiere indien gereël

Kaart Meer oor die omgewing 

Gaste wat na Joosteswerwe Camping gekyk het, het ook belangstelling getoon in die volgende lekke plekke:

Vanaf R500 per nag (vir 2 mense)

Aanvaar aanlynbetaling deur LekkeSlaap.co.za   
Jou webblaaier is verouderd!

Pas jou webblaaier aan om die korrekte webtuiste te sien. Pas my webblaaier aan

086 999 0018 | [email protected]