+42

JustBe Farm Retreat

8 resensies

Selfsorg

Weeksdagaanbod 33% af

Bly 3 nagte en betaal slegs vir 2 op enige bespreking wat nie 'n Vrydag- of Saterdagaand insluit nie. Geldig vanaf 10 Okt 2020 tot 10 Des 2020.

Kapasiteit: 4 persone
Inkloktyd: 14:00 tot 19:00
Uitkloktyd: 10:00
Adres: Soutkloof Wildsplaas, Piketberg, 7320, Wes-Kaap
Alle ouderdomme is welkom
Vanaf ~~R1 650~~ R1 100 per nag (plek vir 4)

Beskrywing

JustBe Farm Retreat is 'n klein, privaat wildsplaas 11 km buite Piketberg.

Die huisie het slaapplek vir 4 gaste in 2 slaapkamers, 1 badkamer en 'n oopplan-kombuis en -leefarea. Albei slaapkamers het lugversorging, dubbelbeddens en die badkamer het 'n stort, wasbak en 'n toilet. Daar is ook ‘n buitestort met ‘n uitsig oor die vlakte.

Daar is ‘n sementdam met skoon windpompwater waarin gaste op eie risiko kan swem.

Die kombuis is met 'n yskas-vrieskas, mikrogolfoond, eetgerei en breekware toegerus en het 'n ontbyttoonbank met stoeltjies. In die sitkamer is daar 'n gemaklike sitkamerstel. Die verblyf het altyd krag aangesien daar 'n kragopwekker is.

Die leefarea lei na 'n stoep met 'n piekniektafel, braaigeriewe en 'n uitsig oor die wildsplaas waar gaste wild soos elande, swartwildebeeste, springbokke, Kaapse bergkwaggas en selfs die skugter silwervos te sien kan kry. Daar is ook volop voëlspesies. Die wildrit en warmbad is teen ekstra koste beskikbaar.

Daar is ook 'n kwekery met aalwyne, clivias, palmbome, spekbome, plantjies vir geskenkies en botterbome op die perseel. Doeninge in die omgewing sluit bergfietsry, voetslaan, valskermsweef, voëlkyk, wyn- en bierproe in.

Kry ’n Kwotasie