Kaapsehoop Adventures

Voeg by Gunstelinge

 

Beskrywing

Kaapsehoop Adventures is selfsorgverblyf in Kaapsehoop in Mpumalanga. Die kamp maak gebruik van alternatiewe kragbronne soos sonkrag vir ligte, gas vir yskaste en stowe en 'n donkie vir warm water.

Ons is sowat 10 km van die dorpie af en die venue is op die platorand geleë. Die uitsigte is skouspelagtig en die area is bekend vir die ryk voëllewe en wilde perde in die woude. Ander diere word ook gereeld gesien, soos bobbejane, verskillende spesies bokkies, ystervarke en jakkalse.

Daar is 5 aparte kamers wat slaapplek bied vir 20 gaste in totaal. Die kamers het kaggels vir koue aande.

Ons maak individuele besprekings, maar die venue is perfek vir verjaarsdagpartytjies, familiebyeenkomste en selfs troues. 'n Spesiale tarief geld vir groepbesprekings vir 'n minimum-verblyftydperk van 2 nagte.

Die gemeenskaplike badkamers het storte. Die kombuis is volledig toegerus en al die gemeenskaplike areas word daagliks skoongemaak en skottelgoed word na etes gewas. Linne word voorsien, maar gaste moet asb. hul eie handdoeke bring. 'n Flits op koplig word ook voorgestel.

Kaapsehoop Adventures bied verskeie toere en pakkette. Jou gashere, Pierre en Sharon, sal 'n pakket op versoek saamstel. Jy kan kies tussen 'n toer na die plaaslike grotte of myne, in die watervalle gaan swem of 'n begeleide toer na Adam's Calender neem - een van die oudste mensgemaakte strukture in die wêreld.

As jy iets rustiger wil doen, kan ons 'n piekniek reël, terwyl jy 'n skemerkelkie geniet.

Ons verkoop ook hout teen R20 per sak indien gaste die kaggel in die kamer wil aansteek.

Gaste kan ook hulle bergfietse saambring en deur die woud ry of in die omgewing gaan gaan voetslaan.

Kenmerke

  •  Afrikaans
  •  Braaiplek

Aktiwiteite Naby

  •  Perdry
  •  Begeleide Wandelpaaie
  •  Bergfietsroetes
  •  Swem

Aktiwiteite op perseel

  •  Voëlkyk
  •  Bergfietsroetes

Betaalopsies op Perseel

  •  Kontant

Geriewe

  •  Braaiplek
  •  Kombuisgeriewe
  •  Selfsorg
  •  Daaglikse Skoonmaakdiens

Hier praat ons

  •  Afrikaans
  •  Engels

Maaltye Aangebied

  •  Piekniekmandjies Op Versoek

Kaart Meer oor die omgewing 

Gaste wat na Kaapsehoop Adventures gekyk het, het ook belangstelling getoon in die volgende lekke plekke:

Vanaf R550 per nag (vir 2 mense)

Aanvaar aanlynbetaling deur LekkeSlaap.co.za   
Jou webblaaier is verouderd!

Pas jou webblaaier aan om die korrekte webtuiste te sien. Pas my webblaaier aan

086 999 0018 | besprekings@lekkeslaap.co.za