Kalahari Rus

Selfsorg

Kapasiteit: 11 mense
Inkloktyd: 14:00 tot 22:00
Uitkloktyd: 10:00
Adres: Keidebees 24, De Villiers-straat, Upington, 8800, Noord-Kaap
Alle ouderdomme is welkom
Vanaf R900 per nag, vir 2 mense

Beskrywing

Kalahari Rus is in Upington geleë, aan die oewer van die Oranjerivier, een van die grootste riviere in Suid-Afrika. Upington bied 'n ryk kultuur en geskiedenis aan besoekers. Kalahari Rus bied netjiese en skoon oornagverblyf en vriendelike diens in 2 aparte eenhede.

Die eerste eenheid is 'n volledig toegeruste selfsorgwoonstel met lugversorging in die kamer, met 'n dubbelbed en spieëlkas. Die badkamer het 'n stort, wasbak en toilet. Die kombuis is volledig toegerus en beskik oor 'n yskas, 'n broodrooster, 'n ketel, 'n mikrogolfoond, 'n tweeplaatstoof en 'n oondjie. Alle eetgerei en breekware word voorsien. Die leefarea is gerieflik gemeubileer met 2 enkelslaapbanke, 'n TV en DStv. Die woonstel het ook sy eie braaigeriewe.

Die tweede eenheid is 'n eenslaapkamerwoonstel met 'n dubbelbed en 'n enkelstapelbed. Daar is 'n volledige badkamer met 'n bad, stort en toilet. Die kombuis is volledig toegerus met 'n yskassie, broodrooster, ketel en mikrogolfoond. Al die nodige eetgerei en breekware word voorsien. Daar is ook 'n tafel en twee stoele. In die suite is daar lugversorging, 'n platskerm-TV en DStv. Die woonstel het ook sy eie braaigeriewe.

Daar is veilige onderdakparkeerplek vir een voertuig beskikbaar.

Die dorp is in 1870 gestig. Sedert die 1880's het die dorp vinnig begin uitbrei en is tans die kommersiële, landbou- en opvoedkundige kern van die Gordonia Distrik.

Kry ’n Kwotasie