Karoo Soul

Voeg by Gunstelinge

 

Beskrywing

Hierdie bekoorlike herehuis met sy Tudor-styl skuil in die hartjie van die Klein Karoo. Karoo Soul het alles wat jy nodig het vir 'n uitsonderlike verblyf in Oudtshoorn. Ons slaag daarin om 'n perfekte balans tussen die natuur, die lewe en volhoubaarheid te handhaaf en bly steeds een van die mees gesofistikeerde reis-lodges in die omgewing.

Karoo Soul is op een van die hoogste heuwels in Oudtshoorn geleë. Die herehuis en omliggende terrein is met kuns en unieke, praktiese toestelle versier en ingerig en bied asemrowende uitsigte en sonsondergange. Daar is ook 'n lieflike swembad en 'n kuierstoep. Ons verblyf is sakpas, maar tog stylvol en gerieflik en bied 'n gebalanseerde omgewing wat jou nuwe lewenskrag sal gee. Dit is ons klein stukkie paradys.

Ons bied unieke selfsorgkothuise, ruim en luukse kamers, 'n gerieflike slaapsaal en kampeerplekke om in jou behoeftes te voorsien. Ons het ook 'n goed toegeruste kombuis met opsionele ontbyt. Die eenhede is privaat met dubbelbeddens of 2 enkelbeddens en met en suite-badkamers en hul eie kombuisie. Dit is ideaal vir 2 gaste. As jy op soek is na ruim en privaat selfsorg-akkommodasie is ons bekoorlike kothuise beslis 'n goeie keuse. Ons gerieflike en elegante dubbelkamers, 2-enkelbedkamers en slaapsale, en suite, sal jou van 'n goeie nagrus verseker. Gratis WiFi en selfhelp-ontbyt is beskikbaar op versoek.

Al jou vrae oor die plaaslike besienswaardighede sal deeglik beantwoord word en ons bied ook koopbewyse en spesiale aanbiedings vir uitstappies na dié besienswaardighede in en rondom Oudtshoorn. Ons streef daarna om jou verblyf gerieflik, opwindend en onvergeetlik te maak. Met aankoms kan jy ontspan en die lieflike Klein Karoo-lug inasem. Lê en lees in een van ons hangmatte, koel af in die swembad of geniet 'n drankie op die patio terwyl ons aan al jou verblyfverwagtinge voldoen. Oudtshoorn het 'n groot verskeidenheid restaurante wat 'n fynproewerservaring bied wat selfs die grootste smulpape sal stimuleer.

Kaart Meer oor die omgewing 

Gaste wat na Karoo Soul gekyk het, het ook belangstelling getoon in die volgende lekke plekke:

Vanaf R560 per nag (vir 2 mense)

Aanvaar aanlynbetaling deur LekkeSlaap.co.za   
Jou webblaaier is verouderd!

Pas jou webblaaier aan om die korrekte webtuiste te sien. Pas my webblaaier aan

086 999 0018 | besprekings@lekkeslaap.co.za