Karoo Vreugde

Chantal P
Gesin met klein kinders

Fantastiese uitrus naweek.

Karoo Vreugde is net dit. Vreugde in die Karoo. Die huis is vreeslik skoon en netjies en toegerus met als wat jy kan benodig. Tannie Bettie wat die gastehuis oppas is so vriendelik en gasvry, mens sukkel om haar nie te nooi vir 'n braai nie. Dan is die vriendelikheid van die dorp se mense nogal iets om te noem. Karoo Vreugde sal my beslis weer sien. Die kerk wat geraam word deur die bome in die erf met beligting om die kerk en die sterre wat so helder skyn kan mens nie vir beter vra nie.

Corlia se Terugvoer

Baie dankie vir hierdie baie spesiale resensie.
Ons is so bly julle het lekker gekuier en ook die dorpie se gasvryheid geniet.
Nogmaals dankie dat julle Karoo Vreugde gekies het vir julle verblyf, sien jul gou weer.

Karoo Vreugde

Johan M
Saam met eggenoot/lewensmaat

Regtig puik.

Ons het heerlik ontspan en lekker gekuier in Merweville. Die ontvangs deur tannie Bettie was baie professioneel. Niks was te veel moeite vir haar nie. Die huis was werllik volledig toegerus met alles wat ons nodig gehad het en nog baie meer, regtig puik geriewe. Ons almal kan Karoo Vreugde ten sterkste aanbeveel.

Elmarie D
Saam met eggenoot/lewensmaat

Heerlike, ontspanne Karoo-atmosfeer.

Pragtige, rustige omgewing. Perfekte plek om weg te breek uit die stadsomgewing. Die huis is baie netjies. Ons is vriendelik ontvang en het heerlik gekuier. Ek sal Karoo Vreugde vir enigiemand aanbeveel.

Corlia se Terugvoer

Dit is altyd lekker as ons gaste die huis geniet.
Baie dankie vir julle ondersteuning.

Karoo Vreugde

Zalman S. D
Saam met eggenoot/lewensmaat

Die verblyf was fantasties. Merweville en sy mense is pragtig!

Merweville is 'n lekker vakansiedorp. Rustig. En die mense is van die vriendelikste wat ek ooit teëgekom het. By die NG Kerk kan jy in die toring klim en 'n 360º-uitsig oor die dorp beleef. Dit was fantasties. Dis beslis 'n weer-besoek-dorp.

Corlia se Terugvoer

Dankie dat julle dié dorp en sy mense so bederf het. Hoop ons sien julle gou weer.

Karoo Vreugde

Hennie K
Gesin met tieners

Karoo-stilte, kampvuur, skaaptjops, goeie geselskap en 'n rooiwyntjie vir die koue.

Karoo Vreugde het aan al ons behoeftes voorsien. My doel was dat al my kinders saam sal wees met Vadersdag en dat ons die Karoo se mense en hul vriendelikheid sal ervaar. Die huis was baie skoon en beddens slaap soos 'n droom. Tannie Bettie het kerse gebring toe Eskom keer dat ons die rugby kon kyk. Die speletjies in die huis was goed aangewend op die stoep en ons het goeie, gesonde familietyd beleef. Ek kan met vrymoedigheid enigiemand aanbeveel wat wil gaan rus en beste waarde vir geld kry.

Corlia se Terugvoer

Dit was 'n voorreg dat julle Karoo Vreugde gekies het vir julle verblyf in Merweville.
Ons is baie bly dat julle die naweek so geniet het. Ons sien julle spoedig weer.
Groete

Karoo Vreugde

Theo S

Medisyne vir die siel.

As jy die Karoo se bekoring wil meemaak, moet jy seker maak jy besoek Karoo Vreugde.

Corlia se Terugvoer

Ons is bly dat julle die verblyf geniet het.
Ons hoop ons sien julle spoedig weer.

Karoo Vreugde

Sanelle P
Saam met vriende

Blaaskans vir die siel.

Karoo Vreugde is 'n regte Karoohuis, met alles wat jy nodig het en selfs meer om jou kuiertjie gemaklik te maak. Skoon en netjies en die baie vriendelike eienaars. Baie dankie dat jul hierdie Karoo juweel met ons gedeel het! Ons het ons tyd vreeslik geniet.

Corlia se Terugvoer

Baie dankie dat jul Karoo Vreugde gekies het vir julle verblyf in Merweville. Dit was vir ons heerlik om jul as gaste te hê.
Dankie ook dat jul die huis so netjies afgegee het en vir die pragtige fotos wat jul met ons gedeel het.
Ons hoop om julle weer te sien in die nabye toekoms.

Karoo Vreugde