KarooRus

Selfsorg

Kapasiteit: 21 persone
Inkloktyd: 14:00 tot 20:00
Uitkloktyd: 10:00
Adres: Middelstraat 93, Graaff-Reinet, 6280, Oos-Kaap
Alle ouderdomme is welkom
Vanaf R1 100 per nag, vir 2 mense

Beskrywing

In die hartjie van Graaff-Reinet staan KarooRus, 'n pragtige, opgeknapte huis wat 7 selfsorg-eenhede bied. Ongeag of jy vir plesier of besigheid die dorp besoek, bied KarooRus 'n plek waar jy kan rus en jou batterye herlaai in luukse, sonder om jou sak te ruk.

Daar is 7 luukse selfsorg-eenhede. Elke eenheid het sy eie ingang. Daar is veilige parkeerplek op die perseel, braaigeriewe, en daar is 'n rolstoelvriendelike eenheid beskikbaar.

Elke eenheid het lugversorging, 'n kombuisie en ontbythoekie met kooktoebehore en eetgerei, 'n mikrogolfoond en tweeplaatstofie, komplimentêre tee en koffie, 'n privaat en suite-badkamer met 'n stort, toilet en 'n wasbak, 'n koningingrootte-bed en/of enkelbeddens, duvets, lakens, sponskussings en ekstra komberse, handdoeke, 'n platskerm-TV met DStv, 'n haardroër, klerekas en radiowekker.

Graaff-Reinet is 'n sonderlinge dorpie in die Karoo met genoeg oulike winkels, restaurante en museums om jou vir dae besig te hou. Die dorp word omring deur 'n natuurreservaat en dit dra by tot die kalmte wat in die dorp heers.

KarooRus is in die hartjie van Graaff-Reinet geleë. Die meeste restaurante, museums en winkels is net 5 minute se stap ver.

Kry ’n Kwotasie