+37

Kingswood Close

Selfsorg

Kapasiteit: 10 persone
Inkloktyd: 14:00 tot 18:00
Uitkloktyd: 10:00
Adres: Longbridge-straat 60, Kingswood Gholflandgoed, George, 6529, Wes-Kaap
Geen kinders onder 10
Vanaf R980 per nag (plek vir 2)

Beskrywing

Kingswood Close is 'n ruim en luukse selfsorghuis op die pragtige Kingswood Gholflandgoed in George wat aan die voet van die Outeniekwaberge lê. Dit is die ideale plek om te ontspan in 'n rustige, veilige omgewing terwyl jy al die oulike plekke langs die Tuinroete verken of gholf speel op een van die puik gholfbane.

Die hoofhuis is elegant versier en het 2 slaapkamers met enkelbeddens en 'n en suite-badkamer. Die huis beskik ook 'n ruim kombuis-area en die leefarea lei na 'n groot tuin met 'n pragtige uitsig op die berg en oor die gholfbaan.

Die ander, kleiner, moderne selfsorgeenheid is langs die hoofhuis geleë. Dit is heeltemal privaat met 'n aparte ingang. Die eenheid beskik oor 'n slaapkamer met 'n koningingrootte-bed, 'n en suite-badkamer met 'n stort, 'n aparte leefarea met 'n TV en sekere DStv-kanale, en 'n kombuisie wat volledig toegerus is. Dié eenheid het pragtige, onbelemmerde uitsigte oor die skoonveld en die setperk.

Elke eenheid het 'n draagbare braaier en bied parkeerplek op die perseel. Alle linne en handdoeke word voorsien.

Kingswood Close bied 'n uitsig oor die 14de skoonveld en setperk van die gholfbaan waar gaste verskeie voëlspesies, wandelroetes, voetslaanpaaie en fietsryroetes wat die landgoed bied, kan geniet. Die Kingswood Gate House is net 'n klein entjie se stap weg en sluit die gholfwinkel, klubhuis-sitarea en -kroeg in. In die omliggende omgewing is daar ook plaaslike supermarkte, apteke, kerke, restaurante, asook die George Arts Theatre wat baie plaaslike en besoekende verhoogkunstenaars se vertonings aanbied.

Kry ’n Kwotasie