by Kloofzicht Estate Country House | LekkeSlaap

+27

Kloofzicht Estate Country House

11 resensies

Selfsorg

Kapasiteit: 83 persone
Inkloktyd: 15:00 tot 19:00
Uitkloktyd: 10:00
Adres: Straatskerk, Tulbagh, 6820, Wes-Kaap
Alle ouderdomme is welkom
Vanaf R1 085 per nag, vir 2 mense

Beskrywing

Kloofzicht Estate Country House is net buite Tulbagh in die Wes-Kaap se skilderagtige Kaapse Wynlande. Dit is die eerste wynplaas wat 'n mens teëkom soos wat jy die vallei van die Nuwekloofpas af benader, die landgoed is sowat 4 km buite Tulbagh.

Ons 3 eenhede is pragtig ingerig en is geskik vir paartjies of groot groepe. Ons dubbelverdiepinghuis genaamd Country House het plek vir 8 tot 10 persone. Die huis het 3 dubbelslaapkamers (2 hoofslaapkamers met en suite-badkamers), 'n ruim oopplan-kombuis, sitkamer en eetarea en 'n gaste-toilet op die onderste vloer. Daar is ook nog 'n sitkamer en 2 hoofslaapkamers met en suite-badkamers op die boonste vloer.

Al 3 slaapkamers op die onderste vloer het Franse deure wat oopmaak op verandas en pragtige tuine. Die hoofbadkamer maak oop op 'n beskutte binnehof met 'n buitestort. Die hoofslaapkamer op die boonste slaapkamer het 2 balkonne, elkeen met asemrowende uitsigte oor die dam en die berge. Die White Room lei na 'n veranda wat reg rondom die kamer strek en spot met pragtige uitsigte van die slaapkamer en die badkamer af. Hierdie kamer het ook 'n spriaaltrap wat na die binnehoftuin lei. Die plaaskombuis het 'n groot kaggel, 'n marmerblad met kaste onder, 'n skottelgoedwasser en 'n dubbel-oond.

Die kombuis lei na die vermaak-area met sy terras, 'n eetkamertafel met sitplek vir 14 persone en 'n braaiplek en dan na die reuse swembad wat net 'n paar meter van die dam af is (die dam is ideaal vir baarshengel, swem en roei). Hierdie area is ideaal vir klein troues, partytjies en geleenthede.

Kry ’n Kwotasie