Kruger Kumba Lahlekile Nathi

Selfsorg

Kapasiteit: 6 mense
Inkloktyd: 14:00 tot 23:00
Uitkloktyd: 10:00
Adres: Kiewietlaan 4003, Marlothpark, 1321, Mpumalanga
Alle ouderdomme is welkom
Vanaf R1 650 per nag (plek vir 6)

Beskrywing

Kruger Kumba Lahlekile Nathi is 'n bekoorlike selfsorghouthuisie in Marlothpark, 'n 3000 hektaar-wildbewarea op die suidelike grens van die Krugerwildtuin. Die wilddorpie is die tuiste van 4 van die Groot 5.

Die houthuisie is op stelte en bied onderdakparkeerplek aan 2 voertuie onder die huis. Dit het ook 'n palissadeheining wat kan sluit. Die knus vakansiehuis bied slaapplek 4 volwassenes en 2 kinders en beskik oor 2 slaapkamers, 'n solderkamer, badkamer en 'n buitestort.

Die ingang na die huisie is via trappe en daar is 'n groot dek aan beide kante. Aan die linkerkant is 'n kuierarea met ingeboude braaigeriewe en 'n plonspoel met 'n uitsig oor die mensgemaakte watergat waar wild gereeld kom water drink. Daar is 'n groot maroelaboom wat baie skadu bied en die nagapies speel alte lekker in hom.

Aan die regterkant van die huisie is 'n buite-eetarea met toegang tot die leefarea en oopplan-kombuis. Daar is lugversorging en die kombuis is met 'n yskas-vrieskas, mikrogolfoond, stoof en 'n ketel toegerus. Die slaapkamers het elkeen 'n dubbelbed en 'n muskietnet en deel die badkamer met 'n stort, bad, toilet en 'n wasbak. Die solderarea het 2 enkelbeddens en 'n klein sitkamer waar kinders kan speel.

Die huisie het ook 'n bosstort met warm water, 'n vuurput en 'n platform vanwaar diere gesien kan word.

Kruger Kumba Lahlekile Nathi is naby Lions Spruit, 1,2 km vanaf die Kruger-grensheining by die Krokodilrivier en sowat 43,2 km vanaf die Malelane-hek.

Kry ’n Kwotasie