Kruger Riverside Lodge

Wildsplaas

Soos Gesien op Instagram
Kapasiteit: 10 persone
Inkloktyd: 14:00 tot 20:00
Uitkloktyd: 10:00
Adres: Buffelstraat 4388, Marlothpark, 0001, Mpumalanga
Geen kinders onder 12
Vanaf R2 214 per nag (plek vir 2)

Beskrywing

Kruger Riverside Lodge bied 'n onvergeetlike verblyfervaring waar luuksheid met die ongetemde Afrika-bos saamsmelt. Dié lodge is in die Marlothpark-bewarea geleë en grens aan die Krugerwildtuin, een van die grootste wildreservate in Suid-Afrika. Hier kan gaste verwag om sebras, kameelperde, blouwildebeeste en koedoes te sien rondloop op die perseel. Die lodge is net 18 km vanaf die Krokodilbrughek na die Krugerwildtuin en het 'n uitsig oor die Krokodilrivier waar die Groot 5 vanaf die balkon besigtig kan word.

Verblyf word in 5 luukse eenhede met lugversorging aangebied wat elkeen 'n en suite-badkamer, tee- en koffiemaakgeriewe, WiFi en 'n platskerm-TV met DStv het. Die Luukse Dubbelkamers het elkeen 'n privaat ingang vanaf die hoofstoep en die Luukse Koningkamers het elkeen toegang tot 'n privaat balkon of tot die hoofbalkon op die boonste verdieping met 'n uitsig oor die Krugerwildtuin.

Verder het die lodge 'n swembad, 'n gaste-sitarea en 2 balkonne, waarvan die een balkon na die swembad front en die ander balkon 'n uitsig oor die Krokodilrivier en Krugerwildtuin het. Gaste kan 'n nagsopie geniet terwyl hul na die leeu se gebrul luister om die dag af te sluit. Verder word gaste buite op die stoep met 'n smaaklike ontbyt en opsionele aandete bederf, en daaglikse wildritte in die Krugerwildtuin is ook beskikbaar.

Kry ’n Kwotasie