Laparetreat

Selfsorg

Kapasiteit: 6 persone
Inkloktyd: 15:00 tot 19:00
Uitkloktyd: 09:00
Adres: Swartwitpensweg 2770, Marlothpark, 1321, Mpumalanga
Geen kinders onder 6
Vanaf R1 600 per nag (plek vir 6)

Beskrywing

Laparetreat is 'n selfsorg-vakansiehuis in Marlothpark. Die huis is ideaal vir 'n gesin wat op soek is na 'n gerieflike boswegbreek.

Die huis beskik oor 3 slaapkamers en 2 badkamers en daar is slaapplek vir 'n maksimum van 6 gaste, kinders vanaf 6 jaar oud ingesluit. Daar is 2 slaapkamers met 'n dubbelbed elk. Die derde slaapkamer het 2 enkelbeddens. Die eerste badkamer het 'n stort en die tweede badkamer het 'n bad. Al die linne en badhanddoeke word voorsien. Gaste moet hul eie swemhanddoeke saambring.

Die leefarea is oopplan en die kombuis het 'n yskas-vrieskas, mikrogolfoond, gasstoof, oond, eetgerei en breekware. Die sitkamer het gemaklike sitplek en 'n TV met sekere DStv-kanale. Die huis het lugversorging en waaiers. Lugversorging is teen 'n ekstra koste. Daar is 'n omsetter wat die effek van beurtkrag verlig.

Die buite-area het 'n lapa met sitplek, 'n boma met braaigeriewe en 'n plonspoel. Onderdakparkeerplek word voorsien. Laparetreat het ook 'n omsetter in die geval van beurtkrag.

Daar is nie baie infrastruktuur in die park nie, maar gaste het toegang tot basiese geriewe soos restaurante, 2 winkels, 'n vulstasie, hardewarewinkel en 'n drankwinkel. Marlothpark het 4 van die Groot 5 - alles behalwe olifante. Daar is wel olifante by die Krokodilrivier wat Marlothpark en die Krugerwildtuin skei.

Kry ’n Kwotasie