Licorna Beach Vakansie Woonstel 21

Selfsorg

Kapasiteit: 4 persone
Inkloktyd: 14:00 tot 20:00
Uitkloktyd: 10:00
Adres: Lagoon-rylaan 82, Licorna Beach, Umhlanga, 4319, KwaZulu-Natal
Alle ouderdomme is welkom
Vanaf R1 150 per nag, vir 4 mense

Beskrywing

Licorna Beach Vakansie Woonstel 21 is op die strandfront en bied gerieflike selfsorgverblyf aan 4 gaste in Umhlanga.

Dié woonstel is op die eerste verdieping, word via 'n hysbak bereik en het lugversorging, 'n gedeeltelike see-uitsig, 2 slaapkamers, 2 badkamers, 'n kombuis, eetarea en 'n sitkamer.

Die hoofslaapkamer het 'n koningingrootte-bed en 'n en suite-badkamer met 'n bad en toilet. Die tweede slaapkamer het 2 enkelbeddens en 'n aparte badkamer met 'n stort, bad en toilet. Linne en badhanddoeke word voorsien, maar gaste moet asb. hul eie swemhanddoeke saambring.

Die oopplan-kombuis is met 'n stoof, oond, mikrogolf, yskas, eetgerei, breekware, potte, panne en tee- en koffiemaakgeriewe toegerus. Daar is 'n etenstafel.

Die sitarea het 'n TV met sekere DStv-kanale en lei na die stoep met 'n uitsig oor die rotstuin.

Die kompleks bied direkte toegang tot die strand en gaste het toegang tot die gemeenskaplike swembad, braai-area en wasgoedgeriewe. Veilige parkeerplek word voorsien en 'n veiligheidswag hou 'n wakende oog. Die woonstel word daagliks skoongemaak, behalwe op Sondae en openbare vakansiedae, en ongelukkig kan troeteldiere nie toegelaat word nie.

Umhlanga bied mooi strande waar gaste skulpies kan soek, branderplankry, snorkelduik, skubaduik, roeiplankry en die Sardientjieloop tussen Mei en Julie kan aanskou. Daar is ook gholfbane en voetslaanroetes. Besienswaardighede sluit die Umhlanga Lagoon Natuurreservaat, die inheemse Hawaanwoud, Beachwood Mangrove Natuurreservaat, Gateway Theatre of Shopping, die Umhlanga-vuurtoring en die Sibaya Casino & Entertainment Kingdom in. Verder is daar verskeie restaurante, kroeë en winkelsentrums.

Kry ’n Kwotasie