Loddey's Beach Front Self-catering Apartment 2

Mooi woonstel met pragtige uitsig.

Ons het lekker gebly in hierdie goed ingerigte woonstel, met veilige parkering en goeie sekuriteit. Die woonstel het ook 'n pragtige uitsig oor die see en ons sal dit beslis aanbeveel.

Luukse waarde vir goeie geld.

Dit was in vergelyking met ander akkommodasie wat ons voorheen in die Strand gehuur het, baie goed, aangenaam en vir seker ons volgende keuse.

Dit was fantasties.

Baie, baie dankie vir die vriendelike ontvangs van Johan. Die woonstel was uitstekend. Baie dankie. Sal beslis weer daar gaan bly.

Lekker ruim en voldoen aan ons behoeftes.

Miskien dalk net die deurknip regmaak, veral nou dat dit kouer is.

Het eenheid geniet. Pragtige ligging en goed ingerig.

Die eenheid beskik oor alles wat nodig is. Pragtige ligging. Goeie diens van personeel.

Dit was baie aangenaam.

Ons het lekker gebly. Die plek was ruim met al die geriewe wat mens nodig het. Was verras met 'n gratis ontbyt. Ek was nie bewus daarvan dat ek R275 ekstra moes betaal vir skoonmaakdienste nie. Die eenheid word net skoongemaak as jy inkom en vertrek. Die eienaar wou ons beboet oor sigaretstompies in die asblik alhoewel niemand in die eenheid gerook het nie. Ons waarsku toekomstige besoekers om liefs die stompies buite te gooi anders is jy jou R1000 kwyt.

Uitstekend!

Die woonstel het 'n pragtige uitsig en alles wat 'n mens moontlik kan nodig hê. Johan was besonders gasvry en hulpvaardig. Ek sal die verblyf beslis aanbeveel.

Heerlike, goed-versorgde woonstel met 'n asemrowende uitsig oor die see.

Wat my beïndruk het was al die 'ekstras' - badsepies, sjampoe en lyfroom, tee, koffie, beskuit en selfs 'n bottel wyn op die huis. Johan het ons ingewag en verwelkom en sommer laat tuis voel. Ons en die kinders het die verblyf hier terdeë geniet, veral die stap langs die see elke oggend. Ek sal dit hoogs aanbeveel.

Uitstekend en billike pryse.

Wonderlike ervaring. Dit was aangenaam om daar tuis te gaan. Vriendelikheid en gasvryheid was onvergeetlik. Beslis weer ons vakansie tuiste binnekort.