Luxury Guesthouse Co @ RiverHouse

Selfsorg

Kapasiteit: 8 mense
Inkloktyd: 14:00 tot 17:00
Uitkloktyd: 09:00
Adres: Seekoeiweg 1814, Marlothpark, 1321, Mpumalanga
Geen kinders onder 18
Vanaf R6 000 per nag (plek vir 8)

Beskrywing

Luxury Guesthouse Co @ RiverHouse is 'n luukse, gerieflike en elegante dubbelverdieping-selfsorghuis in Marlothpark aan die oewer van die Krokodilrivier, oorkant die Krugerwildtuin. Die eiendom is 390 km vanaf Pretoria, 17 km vanaf die Krokodilbrug van die Krugerwildtuin, en 22 km vanaf die gewilde Kambaku-gholfbaan in Komatipoort waar die 2 rivier ontmoet en die Lebomboberge die visarend se roep eggo.

RiverHouse het fyn afwerkings en elegante geriewe. Die huis is geskik vir tot 8 gaste en het 4 slaapkamers, 4 badkamers en 'n sit- en eetarea bo, asook 'n kombuis- en eetarea onder.

Die eerste slaapkamer is op die boonste verdieping en het 'n dubbelbed, 'n sitarea en 'n en suite-badkamer met 'n bad, stort, toilet en 2 wasbakke. Die tweede slaapkamer op die boonste verdieping het 2 enkelbeddens en 'n en suite-badkamer. Die derde en vierde slaapkamer is op die onderste verdieping en het 2 enkelbeddens in een en 'n dubbelbed in die tweede een, en albei het en suite-badkamers.

Die boonste sitarea het lugversorging, genoeg sitplek, 'n yskas-vroeskas, 'n etenstafel en stoele. Die sitarea lei na 'n beskutte balkon met buite-sitplekke, 'n etenstafel met sitplek vir 8 gaste, 'n plafonwaaier en 'n kaggel. Die balkon bied uitsigte oor die rivier.

Die onderste kombuis is vir selfsorg met 'n yskas-vrieskas, stoof, oond, mikrogolfoond, ketel en 'n broodrooster toegerus. Die aparte opwasarea het 'n skottelgoedwasser en 'n wasmasjien. Die eetarea het lugversorging, 'n etenstafel met sitplek vir 8 gaste, en 'n dagbed.

Daar is 'n lapa met meubels en 'n vuurput met sitplekke buite. Daar is ook 'n plonspoel met sonstoele.

Kry ’n Kwotasie