Magari Safari Villa

Wildsplaas

Kapasiteit: 12 mense
Inkloktyd: 14:00 tot 20:00
Uitkloktyd: 11:00
Adres: Muisvogelkraal 654LR, Jembisa Wildreservaat, Vaalwater, 0541, Limpopo
Alle ouderdomme is welkom
Tydelik onbeskikbaar

Beskrywing

Magari Safari Villa is 'n mooi boetieksafari-villa in die privaat Jembisa Wildreservaat in die hartjie van die Waterberge. Magari bied ongelooflike uitsigte oor die Palalarivier, die savanna en die berge.

Dié klein en intieme lodge is geskik vir klein groepe, gesinne, eksklusiewe geleenthede, privaat besprekings of 'n romantiese safari-troue. Gaste het hiér die geleentheid om die bosveld in al sy prag te ervaar en volkome uit te rus en ontspan.

Die Magari Safari Villa het slaapplek vir 10 tot 12 gaste in 6 kamers. Elke kamer het 'n koningingrootte-bed of 2 enkelbeddens wat met perkallinne oorgetrek is. Elke kamer het ook 'n en suite-badkamer en japonne en toiletware word voorsien. Twee van die kamers het elk 'n buitestort met 'n ongelooflike uitsig. Drie van die kamers het elk 'n dek wat oor die vallei en op die berge uitkyk. WiFi is in al die kamers beskikbaar.

Die hooflodge het 'n ruim kombuis-, eet-, en sitarea. Daar is ook 'n dek met 'n dak en 'n tafel met stoele waar etes geniet kan word. Al die etes word deur die sjef voorberei. Die lodge het ook 'n boma waar gaste heerlik om 'n kampvuur kan sit. Daar is ook 'n swembad met 'n terras wat perfek is vir sonbaai en die uitsig geniet.

Magari is ook perfek vir 'n intieme troue. Elke troue word uniek saamgestel ná 'n konsultasie met die bruidspaar. Die seremonie kan enige plek in of om die lodge en op die reservaat geskied.

Daar is verskeie doendinge vir alle ouderdomme beskikbaar soos dag- en aandwildritte, begeleide voetslaanroetes in die bos, kampeer onder die sterre, spoorsny-programme vir tieners, kunsvlieghengel, die Boesmantekeninge en Ystertydperk-bestemmings besoek, of 'n massering in die spa kry. Gaste kan ook gaan draf, bergfietsry of voetslaan in die reservaat.