Malaika Guest Farm

Wildsplaas

Kapasiteit: 12 mense
Inkloktyd: 14:00 tot 19:00
Uitkloktyd: 10:00
Adres: Uitspanweg, Lephalale, 0555, Limpopo
Alle ouderdomme is welkom
Vanaf R1 200 per nag, vir 2 mense

Beskrywing

Malaika Guest Farm is 'n mooi plaas wat sowat 40 km buite Lephalale teen die Limpopo-rivier geleë is. Die plaas is ideaal vir diegene wat op soek is na 'n wegbreek saam met vriende en familie.

Die Hoofhuis is geskik vir 8 gaste en 1 kind en het 2 slaapkamers en 1 badkamer op die boonste verdieping en 2 slaapkamers en 1 badkamer op die grondverdieping. Die slaapkamers op die grondverdieping het elk 2 driekwartbeddens en die badkamer het 'n stort, bad, toilet en wasbak. Een van die slaapkamers op die boonste verdieping het 'n dubbelbed en 'n enkelbed vir 'n kind en die tweede slaapkamer op die boonste verdieping het 2 enkelbeddens. Die badkamer op dié verdieping het 'n stort.

Die Stoortjie het 2 en suite-slaapkamers wat elk 'n dubbelbed het. Die en suite-badkamers het elk 'n stort, toilet en wasbak.

Die plaas spog met 'n lekker braaiplek langs die rivier.

Indien gaste gelukkig is kan hulle vir Karel, die rooihartebees en sy vriende, blesbokke, op die plein voor die huis sien wei.

Die streek het 'n betowerende landskap gekenmerk deur pragtige rivieroewers en grasvlaktes wat als ryk is aan inheemse plantelewe, voëllewe en wild, insluitend die Groot 5.

Kry ’n Kwotasie