Maroela Skadu

Selfsorg

Soos Gesien op Instagram
Kapasiteit: 6 mense
Inkloktyd: 14:00 tot 20:00
Uitkloktyd: 10:00
Adres: Swartwitpensweg 3076, Marlothpark, 1321, Mpumalanga
Alle ouderdomme is welkom
Vanaf R3 800 per nag, vir 6 mense

Beskrywing

Maroela Skadu is 'n ongekunstelde selfsorghuis in Marlothpark. Die huis is ideaal vir die hele gesin of 'n groep vriende wat op soek is na 'n privaat wegbreekplek.

Die huis bied slaapplek aan 6 gaste en beskik oor 3 slaapkamers en 3 badkamers. Die hoofslaapkamer het 'n koningingrootte-bed en 'n en suite-badkamer met 'n dubbelstort, toilet en 'n wasbak. Die ander slaapkamers het elkeen 'n dubbelbed en 'n en suite-badkamer met 'n stort, toilet en 'n wasbak. Alle linne, bad- en swemhandoeke word voorsien.

Let dat alle slaapkamers slegs toegang vanaf buite het en nie direk aan die leefarea verbind is nie. Daar is ook verskillende verdiepings wat dalk nie vir klein kinders geskik is nie.

Die leefarea het 'n sitarea, eetarea en 'n kombuis. Die kombuis is met 'n gasstoof, oond, mikrogolfoond, yskas-vrieskas, tee- en koffiemaakgeriewe, eetgerei en breekware toegerus. Die eetarea het 'n etenstafel met sitplek vir 6 gaste en die sitarea het 'n gemaklike sitkamerstel en 'n koffietafel.

Die huis lei na 'n onderdakstoep met 'n sitarea vanwaar gaste die pragtige uitsig oor die bosveld kan bewonder. Daar is ook 'n vuurput waar gaste kan braai en 'n swembad vir warm somersdae. Veilige onderdakparkeerplek is beskikbaar.

Kry ’n Kwotasie