+18

Matopi Guest Farm

2 resensies

Gastehuis

Kapasiteit: 14 persone
Inkloktyd: 10:00 tot 19:00
Uitkloktyd: 10:00
Adres: R370, Erfdeel 1, Hartsvallei, Jan Kempdorp, 8550, Noord-Kaap
Alle ouderdomme is welkom
Vanaf R500 per nag (vir 2 persone)

Beskrywing

Matopi Guest Farm is sowat 20 km buite Jan Kempdorp.

Verblyf is beskikbaar in 3 rondawels en 1 Damhuis wat volledig toegerus is met 2 ruim gastekamers.

Die rondawels het elk 'n koningingrootte-bed en 'n en suite-badkamer. Daar is 'n kas, etenstafel, rusbank, yskas en tee- en koffiemaakgeriewe in elke eenheid.

Die Damhuis het 2 gastekamers. Kamer 1 het ’n koninggrootte-bed en ’n enkelbed, die tweede kamer het ’n koninggrootte-bed en 2 enkelbeddens. Verder het albei kamers ’n rusbank, lessenaar, lugversorging en 'n en suite-badkamer.

Die 2 kamers deel 'n oopplan-kombuis, wat 'n ontbyttoonbank met hoë stoele en 'n opdien-area met 2 warmplate het. Die kombuis is met tee- en koffiemaakgeriewe, breekware, eetgerei, ’n mikrogolf, ketel, broodrooster, muffin-maker, omelet-maker, 'n yskas en vrieskas toegerus. Daar is ’n ruim eetarea met ’n lang etenstafel wat ook as 4 afsonderlik tafels met sitplek vir 4 elk gedek kan word. Die huis het ’n ruim sitarea wat na 'n stoep lei met 'n lang tafel vir lekker kuiers en speletjies.
Daar is ook buiteraaigeriewe waar ’n mens ’n uitsig oor die dam het.

Ander geriewe op die perseel sluit veilige parkeerplek en WiFi in.

Gaste kan in die plaasdam swem, visvang of roei met die bootjie. Daar is ook stap- en fietsryroetes waar gaste dalk wild kan raaksien. Die area bied ook uitstekende voëlkykgeleenthede.

Kry ’n Kwotasie