Meerkat

Selfsorg

Gratis kansellasie tot 1 week voor jou verblyf!
Kapasiteit: 2 persone
Inkloktyd: 14:00 tot 19:00
Uitkloktyd: 10:00
Adres: Pienaarstraat 454, Nieu-Bethesda, 6286, Oos-Kaap
Alle ouderdomme is welkom
Vanaf R800 per nag, vir 2 mense

Beskrywing

Meerkat is 'n gerieflike selfsorg-eenheid in die bekoorlike Oos-Kaapse dorpie, Nieu-Bethesda. Besoekers het 'n heerlike privaat tuin, veilige parkeerplek op die perseel en 'n buite-braaiplek. Troeteldiere word ongelukkig nie toegelaat nie.

Daar is pragtige uitsigte. Meerkat is stapafstand van die Uilhuis en die middedorp met restaurante en besienswaardighede. Koninggrootte bed, percale linne, gratis WiFi. Die eenheid het ook ’n goed toegeruste kombuisie.

Meerkat is 'n oopplan-eenheid met slaapplek vir 2 gaste. Die en suite-badkamer het 'n stort, 'n wasbak en 'n toilet. Die kombuisie is toegerus met 'n ketel, mikrogolfoond, broodrooster, yskas, elektriese braaipan, kwaliteit breekware en eetgerei. Daar is ook 'n tweeplaatstofie en 'n pot en pan.

Meerkat se privaat tuin is die ideale ontspanningsruimte. Onder die pekanneutbome is dit sonnig in die winter en skaduryk in die somer. Kom braai by die ingeboude braaiplek, met 'n lekker eetplekkie in die tuin en uitsigte op Kompasberg en die Ou Meule. Stap langs kabbelende leivore en geniet die asemrowende sterreprag saans.

Daar is plek vir 1 jong kind indien gaste dit vooraf reël en self 'n kampbedjie/kot voorsien.

Die Uilhuis is binne loopafstand. Gaste kan aktiwiteite soos fietsry, voetslaan, bergfietsry, wildritte, voëlkyk en perdry in die omgewing geniet. Besienswaardighede in die omgewing sluit die Kamdeboo Nasionale Park en Vallei van Verlatenheid in. Of klim die Kompasberg.

Kry ’n Kwotasie