Mellivora Lodge

Selfsorg

Kapasiteit: 8 mense
Inkloktyd: 14:00 tot 19:00
Uitkloktyd: 10:00
Adres: Buffelstraat 4428, Marlothpark, 1321, Mpumalanga
Alle ouderdomme is welkom
Vanaf R2 600 per nag (plek vir 8)

Beskrywing

Mellivora Lodge is 'n dubbelverdieping-selfsorghuis in die hartjie van die Bosveld in Marlothpark, waar gaste kan ontspan en die geluide en reuke van die bos kan geniet. Dit is net 300 m van die Krokodilrivier af, die Krugerwildtuin se grensheining, waar gaste die pragtige uitsig oor die rivier kan geniet en 'n rits diere sal sien. Dit is 'n ideale basis vanwaar gaste die Krugerwildtuin kan verken, want die Krokodilbrughek is slegs 10 minute se ry ver. Mellivora Lodge is na 'Mellivora capensis' vernoem, wat die Latynse naam is vir die ratel is.

Die huis het slaapplek vir 8 gaste en beskik oor 4 slaapkamers en 3 badkamers. Die hoofslaapkamer het 'n koningingrootte-bed en 'n en suite-badkamer met 'n bad en 'n stort. Die tweede en derde slaapkamer het elk 'n koningingrootte-bed en die vierde slaapkamer het 2 enkelbeddens. Al die slaapkamers het lugversorging en waaiers. Die tweede badkamer op die onderste verdieping het 'n bad en 'n stort, en die derde badkamer op die boonste verdieping het net 'n stort.

Die kombuis is ten volle toegerus en sluit 'n mikrogolfoond, wasmasjien, skottelgoedwasser, dubbeldeuryskas en 'n diepvrieskas in. Die etenstafel het sitplek vir 6 en die sitkamer op die boonste verdieping het 'n TV met OpenView-kanale. Daar is ook 'n pooltafel, veerpyltjiebord en tafeltennis.

Buite is daar 'n plonspoel en 'n stoep met 'n ingeboude braai en seile wat kan afrol, sodat gaste steeds buite kan kuier wanneer dit reën. Gaste kan ook hul aande langs die kampvuur in die vuurput en buitebraai deurbring. Die dek op die boonste verdieping het sitplek en sonstoele waar gaste die voëllewe kan geniet.

Kry ’n Kwotasie