Mhondoro Lodge

Wildsplaas

Soos Gesien op Instagram
Kapasiteit: 20 mense
Inkloktyd: 11:00 tot 13:00
Uitkloktyd: 11:00
Adres: Welgevonden Privaat Wildreservaat, Vaalwater, 0530, Limpopo
Alle ouderdomme is welkom
Vanaf R18 216 per nag, vir 2 mense

Beskrywing

Mhondoro Lodge is 'n luukse wildlodge wat alle maaltye insluit in die Welgevonden Wildreservaat in Limpopo. Dié wildreservaat is malariavry, ongeveer 316 km vanaf O.R. Tambo Internasionale Lughawe en die tuiste van Afrika se wêreldbekende Groot 5 wat die leeu, olifant, buffel, luiperd en renoster insluit.

Verblyf word in 5 losstaande eenhede met slaapplek vir tussen 2 en 6 gaste per eenheid gebied. Die eenhede het slaapkamers met en suite-badkamers of gedeelde badkamers. Elke eenheid het 'n privaat uitkykdek en is net 'n entjie se stap vanaf die hooflodge. Die hooflodge en privaat villa se dekor is 'n pragtige mengsel van Afrika-sjiek en moderne ontwerpe.

Vir dié wat heeltemal wil ontspan of graag wil oefen, is daar 'n spa met 'n span gekwalifiseerde skoonheidsterapeute en 'n gimnasium. Die swembad, sauna, kroeg en sitarea is vir alle gaste gedurende die dag beskikbaar.

Dié luukse, kindervriendelike lodge het vinnig vir die nuwe ondergrondse watergat-wildkykskuiling bekend geword wat met 'n tonnel aan die hooflodge verbind is. Dit bied 'n maklike, veilige en unieke geleentheid om tussen die wild te wees wat water by die watergat voor die lodge kom drink.

Kry ’n Kwotasie