Middelfontein Kamdeboo

Middelfontein Kamdeboo bied verblyf tussen niks en nêrens in die Oos-Kaapse Karoo. Dis ideaal vir natuurliefhebbers en avonturiers. Dié plaas het 'n pragtige uitsig oor die rivier, 'n groot dam en die berge. Middelfontein Kamdeboo is gemáák vir mense wat op soek is na 'n wegbreekplek in die natuur ver van tegnologie.

Die huis het slaapplek vir 8 gaste in 3 slaapkamers en daar is 2 badkamers. Die hoofslaapkamer het 'n dubbelbed en 'n en suite-badkamer met 'n stort, bad, wasbak en 'n toilet. Die tweede badkamer het 'n stort, wasbak en 'n toilet. Die geisers werk met gas en voorsien elke keer warm water. Die tweede slaapkamer het 'n…

Sien meer

Middelfontein Kamdeboo bied verblyf tussen niks en nêrens in die Oos-Kaapse Karoo. Dis ideaal vir natuurliefhebbers en avonturiers. Dié plaas het 'n pragtige uitsig oor die rivier, 'n groot dam en die berge. Middelfontein Kamdeboo is gemáák vir mense wat op soek is na 'n wegbreekplek in die natuur ver van tegnologie.

Die huis het slaapplek vir 8 gaste in 3 slaapkamers en daar is 2 badkamers. Die hoofslaapkamer het 'n dubbelbed en 'n en suite-badkamer met 'n stort, bad, wasbak en 'n toilet. Die tweede badkamer het 'n stort, wasbak en 'n toilet. Die geisers werk met gas en voorsien elke keer warm water. Die tweede slaapkamer het 'n dubbelbed en die derde slaapkamer het elkeen 2 enkelbeddens en 'n stapelbed. Linne en handdoeke word voorsien.

Middelfontein Kamdeboo maak gebruik van sonkrag en die kombuis is toegerus met 'n gasstoof, 'n yskas en 'n groot vrieskas, koffie- en teemaakgeriewe, eetgerei en breekware. Daar is 'n binnebraai wat ook gebruik kan word om die huis te verhit in die winter. Een komplimentêre draggie hout word voorsien.

Wild is volop op die plaas, daar is voetslaanroetes, hengelplek by die groot dam, en gaste kan ook 'n handjie bysit met die plaasaktiwiteite. 'n Gids is beskikbaar vir die staproetes. Die instansie bied nie jaggeriewe nie.