Mooiplasie Bush Camp

Selfsorg

Kapasiteit: 61 persone
Inkloktyd: 14:00 tot 19:00
Uitkloktyd: 10:00
Adres: Dinokweng Wildreservaat, Hartebeestfontein 15, Pretoria, 0400, Gauteng
Alle ouderdomme is welkom
Vanaf R1 000 per nag, vir 2 mense

Beskrywing

Mooiplasie Bush Camp is 'n selfsorg-instansie in die nuwe, bekroonde Dinokeng Groot 5 Wildreservaat, net 'n kort entjie noord van Pretoria af.

Ons bied verskeie verblyf-opsies in 'n slaapsaal, rondawels en chalets. 'n Verskeidenheid doendinge is beskikbaar op ons perseel en op die nabygeleë eiendomme. Ons hoop om jou sommer binnekort hier te kan verwelkom.

Let daarop dat die pad na Mooiplasie 'n grondpad is wat gereeld onderhou word.

Mooiplasie is een van die min eiendomme in Dinokeng met 'n eg Afrikaanse naam. Die trotse eienaars, Bert en Betsie Van Graan, het Mooiplasie vernoem na die gewilde piekniekplek in die Krugerwildtuin naby die Mopanikamp waar hul gedurende die dag ontspan en wild gekyk het.

Mooiplasie, wat op 'n klipbank geleë is, was aanvanklik 'n naweek-wegbreekplek vir gesinne en vriende, maar het oor die laaste 12 jaar in 'n volwaardige selfsorg-onderneming ontaard. Ons is veral gewild onder gesinne, skool- en kerkgroepe en sake-ondernemings wat wegbreke, opleidingsessies en konferensies beplan.

Ons maak ook voorsiening vir klein troues van tot en met 100 gaste.

Bloed, sweet en trane het Mooiplasie 'n unieke plek gemaak aangesien Bert en Betsie, te danke aan 'n paar helpers, dit oor die jare in 'n ontspanne en rustige wegbreekplek omskep het.

Kry ’n Kwotasie