+23

Mopane Bush Lodge

Lodge

Kapasiteit: 14 persone
Inkloktyd: 14:00 tot 19:00
Uitkloktyd: 10:00
Adres: Mapesuplaas, Horizon, Musina, 0900, Limpopo
Geen kinders onder 12
Vanaf R3 238 per nag (vir 2 persone)

Beskrywing

Mopane Bush Lodge is 'n 4-ster wild-lodge wat in Mapungubwe Nasionale Park naby aan Musina in Limpopo geleë is. Dis die ideale verblyf vir gaste wat op soek is na hartlike gasvryheid, gerieflike verblyf en 'n safari-ervaring soos min!

Die akkommodasie by Mopane Bush Lodge word aangebied in 8 chalets met grasdakke en luukse dekor met 'n Afrika-tema. Die chalets beskik oor 2 gemaklike enkelbeddens, 'n en suite-badkamer met 'n stort, wasbak en toilet, en 'n privaat veranda met 'n buite-stort. Geriewe in die chalets sluit in: 'n kluis in die kamer, 'n haardroër, 'n spieëltafel, klerekaste met oorgenoeg pakplek, koffie- en teemaakgeriewe en ander luukshede om jou gemak te verseker.

Gaste kan smullekker maaltye geniet wat in die eetkamer of langs die vuur in die boma onder die sterrehemel bedien word. Mopane Bush Lodge het ook 'n kroeg by die swembad- en lapa-area waar gaste allerlei drankies kan geniet. In die hoofgebou is daar 'n gerieflike, gemeenskaplike sitkamer met 'n klein biblioteek waar 'n mens luilekker kan ontspan langs die kaggelvuur in die winter.

Die lodge reël ook verskeie toere soos wildritte en begeleide wandelinge deur die reservaat. Gaste kan ook 'n hele rits doendinge aanpak soos 4x4-roetes, voëlkyk, staproetes, wildkyk en nog baie meer.

Kry ’n Kwotasie