Mowana Game Farm

Voeg by Gunstelinge

 

Beskrywing

Mowana Game Farm is 'n veilige, omheinde wildplaas, sowat 10 km buite Tzaneen op die Phalaborwapad. Dié privaat wildplaas is ideaal vir natuur- en wildliefhebbers en voëlkykers. Dis die ideale vakansie-akkommodasie vir paartjies, gesinne, toeriste en sakereisigers tussen die inheemse bome met 'n oorvloed voël- en wildlewe. Aangesien ons nie jag op die perseel toelaat nie is al ons diere rustig en mak.

Ons bied verblyf in 3 chalets en 'n houthuis. Die oopplan-chalets is elkeen volledig gemeubileer met 'n leef- en slaaparea, 'n kombuisie en 'n badkamer. Elkeen het 'n dubbelbed en 'n rusbank wat in 2 gemaklike enkelbeddens omskep kan word. Alle linne en handdoeke word voorsien. Die kombuisies is elk toegerus met 'n mikrogolfoond, tweeplaatstofie, yskas-vrieskas, ketel en broodrooster en die nodige eetgerei en breekware. Daar is braaigeriewe buite.

Die houthuis is ons sakpas-eenheid. Alhoewel dit skoon en netjies is, is die nie van dieselfde gehalte as die chalets nie. Die houthuis bied 'n uitsig oor een van die plaasdamme en skep 'n heerlike ontspanne atmosfeer. Dis volledig toegerus met 'n oopplan-slaaparea, -kombuisie en -stortarea. Alle linne en handdoeke word voorsien. Die kombuisie is toegerus met 'n tweeplaatstofie, yskas, ketel en broodrooster en die nodige eetgerei en breekware. Daar is braaigeriewe buite. Dié eenheid het nie lugversorging nie, maar het wel 'n waaier.

Die chalets en die houthuis is sowat 50 m van mekaar geleë en bied dus privaatheid, maar dis nog steeds na genoeg indien 'n familie verskeie eenhede wou bespreek. Let asseblief daarop dat nie een van die eenhede 'n TV of WiFi-toegang het nie.

Ons het ook 'n unieke bosbraai-area op die perseel beskikbaar. Gaste kan in dié sonderlinge, oop area 'n heerlike vuur pak en die bosveld-atmosfeer inadem. Dit is nie by die tariewe ingesluit nie, maar kan vooruit bespreek word deur 'n groep van 8 tot 100 gaste teen 'n ekstra koste.

Kenmerke

  •  Afrikaans
  •  Braaiplek
  •  Veilige Parkering

Aktiwiteite Naby

  •  Kunsvlieghengel
  •  Visvang
  •  Forelhengel
  •  Groot 5
  •  Voëlkyk
  •  Wildritte
  •  Begeleide Wandelpaaie
  •  Bergfietsroetes

Aktiwiteite op perseel

  •  Voëlkyk
  •  Fietsry
  •  Wildkyk

Betaalopsies op Perseel

  •  Kontant
  •  Elektroniese Fondsoorplasing

Geriewe

  •  Lughawe-pendeldiens Op Versoek
  •  Braaiplek
  •  Kombuisgeriewe
  •  Geen Rook Binnenshuis
  •  Malaria-vrye streek
  •  Selfsorg
  •  Skoonmaakdiens Op Versoek

Hier praat ons

  •  Afrikaans
  •  Engels

Konferensiegeriewe

  •  Plek vir tot 30 afgevaardigdes

Parkeerplek

  •  Veilige Parkering
  •  24-Uur Sekuriteit
  •  Agter Elektriese Hek
  •  Onderdakparkering

Kaart Meer oor die omgewing 

Gaste wat na Mowana Game Farm gekyk het, het ook belangstelling getoon in die volgende lekke plekke:

Vanaf R590 per nag (plek vir 2)

Aanvaar aanlynbetaling deur LekkeSlaap.co.za   
Jou webblaaier is verouderd!

Pas jou webblaaier aan om die korrekte webtuiste te sien. Pas my webblaaier aan

086 999 0018 | besprekings@lekkeslaap.co.za