Namgate Gastehuis en Slaghuis

Sal dit vir seker weer in die toekoms gebruik.

Dit was baie lekker, baie vriendelike en gasvrye eienaars.

Vyfster verblyf op Namibiese vlaktes. Sielesorg!

Die kamers is besonder gerieflik en pragtig. Alles is ruim! Ons het die aand om te kuier op die balkon wat oor die vlaktes uitkyk. Een aand was soos 'n week se vakansie!

Heerlikste gekookte ete.

Baie oulike plek. Kos was heerlik en baie!

Heerlike kos.

Die kos wat hulle vir ons voorberei het was vreeslik lekker gewees! 'n Baie oulike plekkie vir een aand se oorslaap.

Baie lekker. Sal dit aanbeveel vir enige iemand.

Baie lekker gebly. Kry ook lekker aandetes.

Netjies, skoon en puik kos!

Sal vir enige iemand aanbeveel.

Presies wat ons nodig gehad het na 'n week op die pad.

Na 'n stap saam met twee oulike plaashonde was ons bedien met heerlike boerekos. Sal graag volgende keer wil braai onder die sterre na ons die netjiese braai-areas gesien het. Dis 'n baie goeie ligging voor of na mens oor die grens gaan. Sal definitief Namgate voorstel, en besoek gerus die vleisstal.

Was fantasties.

Ons is baie vriendelik ontvang. Wilmari het ons die aand met die heerlikste ete bederf en haar man het ons ook tuis laat voel, alles was baie lekker.

Perfect accommodation.

Service was perfect. Great stay.

Gasvryheid en waarde vir geld.

Ons is ontvang deur die vriendelike gasvrou en is geakkommodeer met ons twee katte wat saamgereis het. Ons aandete was 'n heerlike gekookte bord kos, wat ideaal is na 'n lang dag op die pad. Ontbyt was ook 'n wenner! Ons familiekamer was ruim, goed toegerus en baie netjies en die aircon welkom in die Desemberhitte. Ons sal beslis weer by Namgate tuisgaan!

Lekker halfwegstasie tussen die Kaap en Windhoek.

Ons is baie vriendelik ontvang deur Marlene, ons gasvrou, en die ewe viendelike Bella, die hondjie. Ons het heerlik geslaap in die ruim kamers. Die aandete was baie lekker en die volgende oggende het ons 'n stewige ontbyt gekry waarna ons weer die res van ons pad huistoe kon aangedurf.

Ontspanne.

Altyd lekker om daar te oornag. Baie dankie vir julle gasvryheid en die heerlike aandete.

Felt right at home.

Very friendly guest house owner. Most delicious food, value for money.

Rustige plaas met ongelooflike behulpsame eienaars.

Ons het in die gietende reën gearriveer en is vriendelik ontvang. Die slaapkamers is ongelooflik ruim en gerieflik. Dit is rondom die kuierarea gebou wat uit 'n eet-, sit- en koffie-area bestaan. Daar is 'n kombuis waar die yskas en opwasgeriewe gebruik kan word. Maak gerus gebruik van die slaghuis ook. Ons het gevriesde lam en wors gekoop wat in bokse opgemaak is en dit het gevries gebly tot in Kaapstad.

By Namgate kom jy as 'n gas en vertrek as familie.

Dit was een van ons lekkerste kuiers in Namibië en sal definitief dit aanbeveel en weer daar gaan bly.

Heerlik en gerieflike oornagverblyf.

Vriendelike ontvangs en netjiese skoon kamers. Lekker wildswors by die padstal!

Rustige plaasgevoel.

Netjiese, skoon oorslaapplekkie met alles wat jy nodig het. Ons het dadelik tuis gevoel en kon lekker rus na 'n lang dag se reis. Namgate is vir seker vir die natuurliefhebber. Die sonsopkoms was asemrowend. Baie dankie vir die gasvryheid.

Meer bedoel vir families en groepe op vakansie.

Skoon en netjies akkommodasie. Veilig en ideaal vanaf hoofpad geleë. Ongelukkig het self catering eenheid nie wasbak vir skottelgoed ens. in kamer nie maar buite op die stoep. Kamer het binnedeur na binne gehad en mens kon heel aand die gekuier by kroeg hoor. Laatnag het iemand seker as 'n grap aan die deur geklop. Hierdie is meer ideaal vir families of groepe op vakansie. Ons was doodmoeg na 3 weke se besigheidsreise op deur die Weskaap en die geraas van 'n kroeg en laatnag kloppery was nie te wense nie.

Beste besluit van hele "trip".

Lekkerste plek om te slaap halfpad tussen Kaapstad en Windhoek. Geselskap en kosmaak, dit bly net lekkerder.

Interessant.

Groot akkomodasie met lugversorging. Egter nie geskik vir volledige selfsorg nie. Slegs mikrogolf en ketel. Moes vir 'n yskas vra. Kort 'n bietjie onderhoud. Die aandetes wat aangebied word is uitstekend en teen 'n billike prys. Die ma is die hart van die plek.

Uitstekend.

Ons het ons verblyf so verskriklik geniet. Die kos is fantasties en Margereth en haar familie so vriendelik! Ons sal beslis weer 'n draai maak as ons Namibië besoek!

Ongelooflike vriendelike gasheer en gasvrou met uitstekende kos en verblyf.

Margaret en Kobus het ons soos vriende ontvang op hulle gasteplaas. Die gesellige vuur en kuier terwyl ons gebraai het was voorwaar 'n bewys van hierdie mense se gasvryheid en het hulle ons binne 'n paar minute soos ou vriende laat voel. Die vleis en res van die kos vir die aand was uitstekend en ons het saam met hulle tot baie laat in die nag gesit en kuier en gesels. Na twee weke se omswerwinge in die noorde van Namibië het ons weer met die terugkomslag by hulle oorgebly en het hulle ons groep die aand met tradisionele boerekos bederf. Dit was uitstekend en die hoeveelheid beskikbaar was oorgenoeg vir ons klomp honger mense om 'n tweede of party selfs vir 'n derde keer van die wildspastei, gebakte skaapribbetjies, boud, gebraaide aartappels, boontjies, pampoen, gegeurde rys en aan al die slaaie te kon smul tot jy gekreun het. Die kamers is toegerus met goeie matrasse en linne en het ons baie lekker en warm gerus na 'n lang dag se ry. Voldoende warm water en netjiese, skoon toiletgeriewe in jou kamer maak dit ook soveel lekkerder om hier aan te ry en te oornag. Die gasvryheid van die mense wat alles so in oorgawe doen is een van die redes waarom ek sonder om te skroom aanbeveel om hier aan te ry en hierdie twee mense en hulle gasvryheid en omgewing eerstehands te gaan ervaar.

Vriendelike diens, baie lekker kookkos, beste slaghuis.

Sien sterre.

Baie gerieflik.

Baie dankie vir julle gasvryheid, ons het baie lekker gebly.

Baie gasvrye mense wat jou dadelik tuis laat voel.

Eersteklas gasvryheid, netjiese plek, goed toegerus en maklik om te kry.

Pragtige, rustige omgewing.

Die eienaars was ongelukkig nie tuis, maar dit was vooraf so gereël met ons. Die werknemers het ons baie vriendelik en professioneel ontvang en tuis laat voel. Die braaiwors en slaai wat voorsien is was heerlik. Sal graag weer daar wil tuisgaan.

Plaasgevoel.

Veilig, vriendelike ontvangs. Gevoel soos ons familiebesoek op die plaas. Fantastiese vleis teen baie goeie prys ook.

Heerlike, gasvrye, hartlike warm veblyf, mense-mense wat ons laat voel het ons hoort daar.

Veilige verblyf naby aan die Karasberge, Ai-Ais en die Visrivier Canyon, asook ander omliggende besienswaardighede in die Suide. Waarvoor so duur vir "elite" verblyf betaal as ons sulke "persoonlike" verblyf en aandag kan geniet asook die menslike gasvryheid van Namibië ons buurland. Geniet die heerlikste maaltye van alles en nog wat, te kies en te keur en moenie vergeet van die heerlike vleis by die Padstal-winkel, "Don't panic it's organic". Mense julle weet nie wat julle mis nie, sowaar. Doen so voort Margareth en Kobus!

Baie gesellige verblyf.

Dit was regtig 'n plesier om vir die eienaars te ontmoet. Hulle het ons regtig tuis laat voel en sommer saam met ons gekuier die aand. Al die selfhelpgeriewe is beskikbaar asook ekstra drankies wat teen 'n lae koste beskikbaar is.

Namibiese gasvryheid op sy beste.

Margaret is 'n uitstekende gasvrou en het die lekkerste ete vir ons voorberei. Die kamers is op die boonste verdieping met mooi uitsigte oor die plaas landskap. Die gemeenskaplike leef area is ruim en gesellig wanneer daar vuur gemaak word in die braai/kaggel. Daar is 'n kroegie/yskas met selfhelp drinkgoed beskikbaar teen 'n billike prys.

Baie aangename mense en ons sal weer daar tuisgaan.

Hartlike mense. Baie lekker saam met hulle gekuier. Die kos was baie lekker. Kamers skoon en netjies. Hoog aanbeveel.