Ndlovu Addo River Lodge

Lodge

Soos Gesien op Facebook
Kapasiteit: 12 mense
Inkloktyd: 14:00 tot 19:00
Uitkloktyd: 10:00
Adres: Langs die R336, Dunbrody Addo, Kirkwood, 6120, Oos-Kaap
Alle ouderdomme is welkom
Vanaf R1 000 per nag (plek vir 2)

Beskrywing

Ndlovu Addo River Lodge bied rustige oornagverblyf langs die Sondagsrivier, 20 km buite Kirkwood. Dit is 'n eko-vriendelike lodge 30 minute vanaf die Addo Nasionale Olifantpark en dis ideaal vir 'n romantiese wegbreek.

Hierdie pragtige lodge bied verblyf in 5 oopplan-kothuise met lugversorging en 'n struktuur-safaritent met lugversorging wat op die rivieroewer geleë is. Elke kothuis bied slaapplek aan 2 gaste en het 'n koninggrootte-bed met gehaltelinne. Kothuis 1 tot 4 het elkeen 'n en suite-badkamer met 'n stort en die vyfde kothuis se badkamer het 'n bad en 'n stort.

Elke kothuis beskik ook oor 'n kombuisie wat met 'n tweeplaatstoof, mikrogolfoond, yskassie, eetgerei, breekware en tee- en koffiemaakgeriewe toegerus is. Kothuis 5 is ideaal vir 'n wittebrood aangesien dit met 'n privaat Jacuzzi op die stoep spog. Al 5 kothuise het privaat braaigeriewe.

Die Safari-tent bied slaapplek aan 2 gaste en het 'n koninggrootte-bed en 'n en suite-badkamer met 'n instapstort. Die tent het ook 'n kombuisie wat met 'n lugbraaier, yskassie, eetgerei, breekware en 'n Nespresso-koffiemasjien toegerus is. Buite is daar 'n lieflike houtdek met sitplek en 'n uitsig oor die see. Gratis WiFi is in elke eenheid beskikbaar.

Ndlovu Addo River Lodge is ideaal vir natuurliefhebbers aangesien apies en voëls gereeld die lodge besoek. Alle gaste het toegang tot die hooflodge se gemeenskaplike swembad. Bevrore maaltye is teen 'n ekstra koste beskikbaar en kan in die eenheid gekook word. 'n Kontinentale ontbytmandjie kan ook op versoek gereël en afgelewer word.

Kry ’n Kwotasie